கோமாளிமேடை

 காட்டுப்பூனையின் கண்கள் விலங்குகளின் கண்களைப் பார்த்திருக்கிறீர்களா? அவை என்ன நிறத்தில் இருக்கும்? பெரும்பாலும் கருப்பு, பழுப்பு, மஞ்சள். ஆனால், சில விலங்குகளின் கண்களில் வானவில் போல ஏராளமான நிறங்கள் உள்ளன. அவற்றை அடையாளம் கண்ட ஆய்வாளர்கள் அதை ஆராயத் தொடங்கியுள்ளனர். கண்களிலுள்ள நிறத்தை வைத்து என்ன ஆராய்ச்சி என நினைக்கலாம். ஆனால், ஆராய்ச்சியாளர்கள், கண்களின் நிறத்தை வைத்தே அதன் இனம், வாழுமிடம், உரோமங்களின் வகை, வேட்டையாடும் விதம் என ஏராளமான தகவல்களை அறிய முடியும் என நம்பிக்கை தெரிவிக்கிறார்கள். இயுமெலனின் என்ற நிறமி கருப்பு, பழுப்பு நிற கண்களின் நிறத்திற்கு காரணம். பியோமெலனின் என்ற நிறமி, சிவப்பு மற்றும் மஞ்சள் நிறத்தை உருவாக்குகிறது. இந்த நிறங்களில் பச்சை, நீலம், சாம்பல் ஆகியவற்றின் பங்கும் உண்டு. சோதனை செய்த காட்டுப்பூனை கண்களின் நிறத்தை தகவல்தளத்தில் சேமித்துவிட்டு, அதை ஆராய்ச்சி செய்து வருகிறார்கள். பனிப்பிரதேசத்தில் வாழும் வண்டிகளை இழுக்கும் நாயினமான ஹஸ்கின் நாயினத்தின் கண்களை பார்த்திருப்பீர்கள். நீலக்கற்கள் போல ஒளிர்பவை. அதுபோல கண்கள் வேண்டும் என மனிதர்களே விரும்புவார்கள். ...

மிஸ்டர் ரோனி சில வண்டுகளைப் பார்க்கும்போது அவற்றின் மேல் ஓடுகள் ஏன் உலோகம் போல் இருக்கின்றன? உடனே வண்டுகளைப் பிடித்து அதிலுள்ள உலோகங்களைப் பிரித்துவிடலாம் என ஜிண்டால் கம்பெனி ஓனர் போல யோசிக்காதீர்கள். அவற்றின் மேல்தோல் உலோகம் போல் இருப்பது அதன் பெண் இணையைக் கவர்வதற்கான சமிக்ஞை. சிடி, டிவியை வெளிச்சத்தில் பார்த்தால் எப்படியிருக்கிறது? வானவில் நிறங்கள் தெரியும் இல்லையா? அதுபோலத்தான். வண்டுகளின் மேல் ஓடுகளிலும் குறிப்பிட்ட நிறங்கள் தெளிவாக கண்களில் தெரியும். சில நிறங்கள் தெரியாது. அதன் ஓடுகளின் நிறத்திற்கு நிறமிகள் காரணம் அல்ல. அவற்றின் அமைப்பே அப்படித்தான். மேலும் அவற்றின் வெளிப்புறத் தோல் தொடர்ந்து உதிர்ந்து வளர்ந்துகொண்டே இருக்கும். நன்றி - பிபிசி