யூக்கு டூவு - சீனா பொழுதுபோக்கு வீடியோ துறையில் அரசன்
file:///home/anbarasu/%E0%AE%AA%E0%AE%A3%E0%AE%BF%E0%AE%AE%E0%AF%87%E0%AE%9F%E0%AF%88/3.jpg
யூக்கு டூவு - சீனா பொழுதுபோக்கு வீடியோ துறையில் அரசன்
யூக்கு டூவு என்ற வலைத்தளம்தான் சீனாவில் பொழுதுபோக்கு வீடியோக்களில் நாற்பது சதவீத பங்களிப்பைக் கொண்டுள்ளது. இதற்குப்பிறகுதான் பைடு, டென்சென்ட்டெல்லாம் வருகிறது. 2014ஆம் ஆண்டே இதில் 500 மில்லியன் பயனர்கள் இருந்தனர். யூக்கு டூவைத் தொடங்கியவர் விக்டர் கூ. இவர் ஹாங்காங்கை பூர்விகமாக கொண்டவர். ஆஸ்திரேலியா, அமெரிக்கா நாடுகளில் படித்தவர். எம்பிஏவை ஸ்டான்போர்டில் படித்தவர், முதலீட்டு நிறுவனமான ரிச்சினா குழுமத்தில் பணியாற்றி வந்தார். 1999ஆம் ஆண்ட சீனாவில் இணையம் பெரிதாக வளரவில்லை. அப்போது சோகு என்ற நிறுவனத்தில் வேலை செய்தார். தனக்கென தனியாக சொந்த நிறுவனம் தொடங்கும் ஆசை இருந்தது. 2005ஆம் ஆண்டு யூக்கு நிறுவனத்தை தொடங்கினார். அடுத்த எட்டு ஆண்டுகளில் நிறுவனம் பெரிதாக வளர்ந்தது. 2010ஆம் ஆண்டு நியூயார்க் பங்குச்சந்தையில் பட்டியலிடப்பட்டது. 2012ஆம் ஆண்டு அதன் போட்டியாளரான டூவு.காம் நிறுவனத்தோடு இணைந்தது. சீனாவிலேயே இரண்டாவது பெரிய ஆன்லைன் வீடியோ சேவை நிறுவனமான மாறியது. இந்த நிறுவனம், டிவி தொடர்களை விலைக்கு வாங்கி ஒளிபரப்பி வருகிறது.
கணினி, போனில் அதிகம் பார்க்கப்படும் ஆப் என்றால் யூக்கு டூவு மூன்றாவது இடத்தில் உள்ளது. முதல் இடத்தில் வீசாட், க்யூக்யூ ஆப்கள் உள்ளன. 2014ஆம் ஆண்டு திரைப்படங்களை தயாரிப்பதற்கான பிரிவை உருவாக்கி இயங்கி வருகிறது. இதற்கு நெட்பிளிக்ஸ் ஊக்கம் தந்திருக்கிறது. தனது வருமானத்தில் நாற்பது சதவீதத்தை டிவி நிகழ்ச்சிகளை தொடர்களை வாங்குவதற்காக செலவிடுகிறது.
பைடுவின் ஐக்யூயின் நிறுவனம் யூக்கு டூவுக்கு பெரும் போட்டியாளர். போட்டியை எதிர்கொள்ள அலிபாபா, ஷாவ்வி ஆகிய நிறுவனங்கள் முதலீடு செய்யத்தொடங்கியுள்ளன. சீனாவில் எதிர்மறை கருத்துகளை ஒருவர் பதிவிட்டு அதை 5 ஆயிரம் பேர் பார்த்தனர். 500 முறை மறுபதிவு இடப்படுகிறது என அரசுக்கு தெரிய வந்தால் தொடர்புடைய பதிவர் கைது செய்யப்பட்டு மூன்று ஆண்டுகள் சிறையில் அடைக்கப்படுவார். வீடியோ வெளியீட்டு தளங்களில் சீன பொதுவுடைக் கட்சி கூறும் வீடியோக்கள் மட்டும்தான் செயல்பாட்டில் இருக்கும். கட்சிக்கு, அரசுக்கு எதிரான வீடியோக்கள் இயங்காது. உடனே நீக்கப்பட்டுவிடும். இப்படியான சூழலில்தான் அங்கு வீடியோ வணிகம் இயங்குகிறது.
அரசுக்கு நெருக்கமாக இருக்கவேண்டும். அரசியலில் இருந்து தள்ளி நிற்கவேண்டும் என்ற நிலைப்பாட்டை எடுத்து சீன வணிகர்கள் இயங்கி வருகிறார்கள்.
கருத்துகள்
கருத்துரையிடுக