முத்தாரம் ஒரு பக்கம்!
ரோல்ஸ்ராய்ஸின் அட்டகாச படகு ! ரோல்ஸ்ராய்ஸ் கார் சூப்பர் சொகுசு கார்களுக்கு பிரபலம் . தற்போது ஆட்டோமேடிக் படகு தயாரிப்பிலும் களமிறங்கியுள்ளது புது நியூஸ் . கப்பல் உருவாக்கி அதில் கேப்டன் வேலையாட்களை பணிக்கு சேர்த்து என எக்கச்சக்க செலவு பிடிப்பதால் அதனை குறைக்க ஆட்டோமேடிக் கப்பல் ரோல்ஸ்ராய்ஸின் ஐடியா . 60 மீ . நீளத்தில் மணிக்கு 28 கி . மீ வேகம் செல்லும் ரோந்து படகை உருவாக்கி வருகிறது ரோல்ஸ்ராய்ஸ் . முழுக்க எலக்ட்ரிக்மயமான கப்பலில் , MTU 4000 ரக ஜெனரேட்டர்கள் , 3 ஆயிரம் கி . வாட் சக்தி கொண்ட சோலார்பேனல் என வசதிகளில் ஆளை அசத்துகிறது இந்த புதிய படகு . " மனிதர்களைக் கொண்ட படகுகளைவிட ஏஐ சென்சார்களைக் கொண்ட தானியங்கி படகுகள் பாதுகாப்பானவை " என்கிறார் ரோல்ஸ்ராய்ஸ் நிறுவனத்தின் எலக்ட்ரிக் படகு பிரிவு தலைவர் பெஞ்சமின் தோர்ப் . ஆன்டிவைரஸூக்கு அமெரிக்கா தடை ! அமெரிக்காவின் ஹோம்லேண்ட் செக்யூரிட்டி அமைப்பு , அரசு அமைப்புகள் அனைத்தும் 3 மாதத்திற்குள் காஸ்பர்ஸ்கை நிறுவனத்தின் சேவைகளை துண்டிக்க உத்தரவிட்டுள்ளதை வாஷிங்டன் போஸ்ட் அம்பலப்படுத்தியுள்ளது .