கோமாளிமேடை

தனிமையில் தலைவன்: ஜெயித்தது எப்படி ?  -  ச . அன்பரசு அந்த புகழ்பெற்ற அமெரிக்க தொழில்நுட்ப நிறுவனருக்கு இரவில் அடுத்தடுத்து போன் அழைப்புகள் , குறுஞ்செய்திகள் வந்தன . " நான் தனியாக இருக்கிறேன் . இன்றிரவு உன் வீட்டில் தங்க அனுமதி கிடைக்குமா ?" என்பதுதான் அந்த செய்தி . செய்தியைப் படித்துவிட்டு அழைப்பு எண்ணைப் பார்த்தவர் எந்த பதிலும் அனுப்பாமல் புன்னகையுடன் தூங்கச் சென்றுவிட்டார் . இதுபோல மாதத்திற்கு பலமுறை அழைப்பும் குறுஞ்செய்திகளும் வருவது அவருக்கு பழகிவிட்டது .   விடாக்கண்டனாக அழைப்பவரும் அதேபோல்தான் . அழைத்தவர் நவீன தொழில்துறையின் சூப்பர் ஸ்டாரான எலன்மஸ்க் , செய்திகளைப் பெற்றவர் அவரின் நண்பரான கூகுளின் லாரிபேஜ் . தன் எட்டு நிறுவனங்களின் மூலம் ஒரு கோடியே 37 லட்சம் கோடி ரூபாய்களுக்கு சொந்தக்காரான எலன் மஸ்க் , இன்றைய ஸ்டார்ட்அப் இளைஞர்கள் மனதில் வெற்றிவேட்கையை அள்ளி ஊட்டும் மந்திரச்சொல் . எட்டு சொகுசு வீடுகளை வைத்திருந்தும் அங்கு தங்காமல் இரவில் நண்பரின் வீட்டில் எலன்மஸ்க் தங்க நி