கோமாளிமேடை

 சீனா டிஸ்ட்ரப்டர்ஸ்  சீன டெக் நிறுவனங்களின் கதை கட்டுரை நூல் இந்த ஆங்கில நூல், மேற்குலகு கொண்டிருக்கும் சீனா மீதான மூடநம்பிக்கைகளுக்கு சவால் விடுகிறது. சீன பொருள் என்றால் மட்டமானது. நிறுவனம் என்றால் மோசடி செய்யக்கூடியது என வலுவான பிரசாரத்தை செய்துவருகிறார்கள். அதை உடைத்து வரும் முக்கியமான நிறுவனங்களான அலிபாபா, டென்சென்ட், ஹூவெய், ஷாவ்மி, ஹெங்கன், லெனோவோ, ஹெயர் ஆகிய நிறுவனங்களைப் பற்றி விரிவாக விளக்குகிறது.  வணிக நிறுவனங்களோடு நிறுத்திக்கொள்ளாமல், சீனாவில் உள்ள அரசியல், அதற்கு டெக் நிறுவனங்கள் செய்துகொள்ள வேண்டிய சமரசம் பற்றியும் பேசியுள்ள நூல் என்பதால் முக்கியத்துவம் பெறுகிறது. வணிக ரீதியான விஷயங்களோடு அரசியலும் பின்னிப்பிணைந்துள்ளது. அப்படியல்லாமல் சீனாவில் எந்த வணிக நிறுவனமும் வளர முடியாது. அந்த வகையில் அலிபாபா, ஹூவெய் ஆகிய நிறுவனங்கள் முன்னிலை பெறுகின்றன. அலிபாபா உள்நாட்டில் சிறப்பான கட்டமைப்பைக் கொண்டுள்ளது. ஹூவெய் உள்நாட்டில் மட்டுமல்லாது, வெளிநாட்டிலும் தனது செயல்திறனை நிரூபித்துள்ளது. அதைபற்றி விவரிக்கும் பகுதி சுவாரசியமாக உள்ளது. இன்று அந்த சீன நிறுவனத்திற்கு ஒரே...

கேப்டன் ஜாக் மா! தன் 54 வயதில் அலிபாபா நிறுவனத் தலைவர் பொறுப்பிலிருந்து விலகியிருக்கிறார் ஜாக் மா. தன் நிறுவனத்துடன் இணைந்து சீனாவையும் வளர்த்தெடுத்திருக்கிறார் முன்னாள் ஆங்கில ஆசிரியரான ஜாக் மா. சீனாவின் கடுமையான தணிக்கைமுறைகளை சமாளித்து இபே, அமேஸான் நிறுவனங்களோடு போட்டியிட்டு 40 பில்லியன் டாலர்களை சம்பாதித்துவிட்டார் ஜாக் மா. 1964 ஆம் ஆண்டு சீனாவின் ஹாங்சூ பகுதியில் இசைக்கலைஞர்களின் குடும்பத்தில் பிறந்த ஜாக் மா, பள்ளிக்கல்வியோடு டூரிஸ்ட் கைடாக வேலைபார்த்தே ஆங்கிலத்தை கற்ற சாமர்த்தியசாலி. மொழிபெயர்ப்பு நிறுவனம் தொடங்கி பின்னர் 1999 ஆம் ஆண்டு உருவானது அலிபாபா சாம்ராஜ்யம். இபேயுடன் போட்டியிட்டு வென்ற தாவோபாவோ இணையதளம் என இருபது ஆண்டுகளில் நிறுவனத்தின் மதிப்பை 429 பில்லியன் டாலர்களாக உயர்த்திக் காட்டிய தலைவர் ஜாக் மா.   “புதிய கோணத்தில் பிரச்னைகளை பார்க்க கற்றால் நீங்கள் ஜெயிக்க முடியும்” என்பது ஜாக் மாவின் வெற்றிச்சொல். சீனாவின் இளம் தலைமுறையினர் ஜாக் மாவை முன்மாதிரியாக கொண்டு உழைத்துவருவது ஜாக் மாவின் உழைப்புக்கு சாட்சி.