கோமாளிமேடை

  இன்ஃபினிட்டி லூப் ஸ்மார்ட் வாட்ச்ச்சில் இந்த விளையாட்டை இணைத்து விளையாடலாம்.. பொழுதுபோகாமல், மீட்டிங்கில் சோர்வாகி உட்கார்ந்திருக்கும்போது கூட விளையாட்டை விளையாடலாம்.  பிஎஃப்டி இதில் வாட்சின் வடிவத்தை விதம் விதமாக மாற்றி அமைத்துக்கொள்ளலாம். பார்க்கவும் அழகாக இருக்கிறது. நேரம் தொடர்பான பல்வேறு மாறுதல்களை ஆப் அனுமதிகிறது.  சாம்சங் பே காசை பிறருக்கு அனுப்பும் வசதி,  அனைத்து போன்களிலும் உள்ளது. சாம்சங்கும் தொடங்கியுள்ளது. இதில் சொல்ல என்ன இருக்கிறது? பிபி லாஸ்ட் போன் அலர்ட் ஐபோனை எங்கோ வைத்துவிட்டீர்கள். அதனை எப்படி பெறுவது என தெரியவில்லை. இந்த ஆப் இருந்தால் குரல்வழிச்செய்தி, அலாரம் ஒலிக்கச்செய்து போனைப் பெறலாம். வீட்டிலுள்ள வை ஃபையில் போனை இணைக்கவேண்டுஃ. லைஃப்சம் உணவு, அதன் கலோரி பற்றி கவலைப்பட்டு தொப்பையை தட்டிக்கொண்டிருக்கும் நபர் என்றால் உங்களுக்காகவே இந்த ஆப். பயன்படுத்தி கலோரியை அளவிட்டு ஆரோக்கியம் காக்கலாம். 

 மார்க்கெட்டுக்குப் புதுசு! கோ புரோ மேக்ஸ் 360 டிகிரியில் வளைத்து வளைத்து படம் எடுக்கும் கேமரா. இதில் எடுக்கும் கசாமுசா வீடியோக்களை கூட அடோப் பிரிமீயர் ஆதரவோடு எடிட் செய்து, மஜா செய்யலாம். வாட்டர் ப்ரூப் சமாச்சாரங்கள் உள்ளன.இரண்டு விதமாக லென்ஸ் இருக்கின்றன. ஏதோவொன்றை பயன்படுத்தி நீங்கள் வீடியோ எடுக்கலாம். மற்றபடி இதன் முந்தைய வர்ஷன் விஷயங்கள்தான் இதில் உள்ளன. இதில் மாடுலர் விஷயங்கள் உள்ளன. எனவே, நீங்கள் சில விஷயங்களை கழற்றி மாட்டி புதியவற்றை மாட்டிக்கொள்ளலாம். யமஹா யாஸ் ஹோம் தியேட்டர் சவுண்ட வீட்டிலேயே வேண்டுமென்றால் நீங்கள் இந்த சவுண்ட் பாரை வாங்கலாம். யமஹா என்பதால் ஒலி பற்றிய கவலை வேண்டாம். பிரமாதமாக 3 டியில் அசத்துகிறது. அலெக்சா, கூகுள் அசிஸ்டென்ட் என எவற்றுடனும் இணைத்துக்கொள்ள முடியும். கூகுள் பிக்சல் 4எக்ஸ் - 4எக்ஸ்எல் கூகுளின் போன் 5.7, 6.3 இன்ச் திரை, 16 எம்பி, 12 எம்பி கேமரா, மோஷன் சென்சார் வசதி என அதிரடிக்கிற போன். வாங்கிப் பார்த்து பயன்படுத்தி, என்ன விஷயங்கள் இருக்கிறது என பார்த்துக்கொள்ளுங்கள். மற்றபடி போன் நிறைய வசதிகளைக் கொண்டிருக்கிறது

கார்மின் ஸ்மார்ட் வாட்சுகள்! கார்மின் நிறுவனத்தின் ஸ்மார்ட் வாட்சுகளில் ஃபெனிக்ஸ் சீரிஸ் புதியது. தற்போது அதில் ஃபெனிக்ஸ் 6 ரக வாட்சுகள் வெளியிடப்பட்டடுள்ளன. புதிய வாட்சில் என்ன இருக்கிறது?  சோலார் சக்திதான் புதியது. பேட்டரி மூன்று நாட்கள் தாங்கும் திறனோடு இருக்கிறது. இந்த வகையிலேயே பெரிய வாட்சுகள் இவை. ஜிபிஎஸ், ஸ்மார்ட்போன் நோட்டிஃபிகேஷன், உங்கள் தினசரி நடவடிக்கைகளை கண்காணிப்பது என அனைத்து வசதிகளும் இதில் உள்ளது. வேறு என்ன தேவை என்ன என இமெயில் அனுப்பினால் அதனையும் செய்து தருவார்கள். இந்த வகையில் அத்தனை வசதிகளையும் கொண்டு வந்து ஆச்சரியப்படுத்துகிறார்கள். நன்றி - நியூ அட்லஸ்