மார்க்கெட்டுக்குப் புதுசு! - கோபுரோ கேமரா, ஃபிட்பிட் வாட்ச்

 மார்க்கெட்டுக்குப் புதுசு!

கோ புரோ மேக்ஸ்


360 டிகிரியில் வளைத்து வளைத்து படம் எடுக்கும் கேமரா. இதில் எடுக்கும் கசாமுசா வீடியோக்களை கூட அடோப் பிரிமீயர் ஆதரவோடு எடிட் செய்து, மஜா செய்யலாம். வாட்டர் ப்ரூப் சமாச்சாரங்கள் உள்ளன.இரண்டு விதமாக லென்ஸ் இருக்கின்றன. ஏதோவொன்றை பயன்படுத்தி நீங்கள் வீடியோ எடுக்கலாம். மற்றபடி இதன் முந்தைய வர்ஷன் விஷயங்கள்தான் இதில் உள்ளன. இதில் மாடுலர் விஷயங்கள் உள்ளன. எனவே, நீங்கள் சில விஷயங்களை கழற்றி மாட்டி புதியவற்றை மாட்டிக்கொள்ளலாம்.

யமஹா யாஸ்

ஹோம் தியேட்டர் சவுண்ட வீட்டிலேயே வேண்டுமென்றால் நீங்கள் இந்த சவுண்ட் பாரை வாங்கலாம். யமஹா என்பதால் ஒலி பற்றிய கவலை வேண்டாம். பிரமாதமாக 3 டியில் அசத்துகிறது. அலெக்சா, கூகுள் அசிஸ்டென்ட் என எவற்றுடனும் இணைத்துக்கொள்ள முடியும்.


கூகுள் பிக்சல் 4எக்ஸ் - 4எக்ஸ்எல்

கூகுளின் போன் 5.7, 6.3 இன்ச் திரை, 16 எம்பி, 12 எம்பி கேமரா, மோஷன் சென்சார் வசதி என அதிரடிக்கிற போன். வாங்கிப் பார்த்து பயன்படுத்தி, என்ன விஷயங்கள் இருக்கிறது என பார்த்துக்கொள்ளுங்கள். மற்றபடி போன் நிறைய வசதிகளைக் கொண்டிருக்கிறது.

ஃபிட்பிட் வெர்சா 2

பாத்ரூம் முதல் டாய்லட் வரை எங்கு வேண்டுமானாலும் அணிந்துகொண்டு உலகோடு இணைந்திருக்கலாம். அசிஸ்டென்டுகளோடு இணையும் வசதியும் உண்டு என்பதால் எப்போதும் இணைய வசதி தேவை. அணைக்கவே கூடாது. இதோடு உங்கள் உடலையும் பராமரித்து தூங்கச்செல்லும் செல்ல அம்மாவாகவும் செயல்படுகிறது இந்த வாட்ச். நவீனகாலத்திற்கு ஏற்ற வாட்சாகவும் டிசைனில் பின்னுகிறது.


நன்றி: ஸ்டஃப் இதழ்