கோமாளிமேடை

  பாதுகாப்பு மனநிலை தீவிரவாத தாக்குதல் நடந்தாலும் அதை தடுக்க சில பலவீனமான அரசுகளால் முடியாது. பதிலுக்கு அரசை கேள்வி கேட்கும் சமூக செயல்பாட்டாளர்களை பிடித்து வழக்கு போட்டு சிறையில் அடைப்பார்கள். அவர்களின் விமர்சனங்களில் உண்மை இருப்பதுதான் காரணம். இது பாதுகாப்பான மனநிலை அல்ல. பேரிடர் காலங்களில் ஆயுதங்களை, வெடிமருந்துகளை வாங்கி குவித்துவிட்டால் உயிர் பிழைத்துவிடலாம் என நினைக்காதீர்கள். அது பிழை. மூளையைப் பயன்படுத்தி யோசிக்கவேண்டும். எப்படி அந்த சூழ்நிலையில் எதிர்வினையாற்றுவது என திட்டங்களை வகுக்க வேண்டும். பாதுகாப்பு மனநிலை கருத்தை அமெரிக்க விமானப்படையைச் சேர்ந்த ஜான் போய்டு உருவாக்கினார். வயிறு சொல்லும் அறிவுரை சண்டை போடுவதா, ஓடிவிடுவதா என்பதை உங்கள் புத்தி கூறும். தேவை கூர்மையான திறன் கொண்ட காது. சில நேரங்களில் நாம் அன்புக்குரியவர்களை பாதுகாக்கும் நெருக்கடியில் சிக்குவோம். ஒருவரோடு சண்டை போட்டுக்கொண்டே இன்னொருவரை பாதுகாப்பது எளிதான செயல் அல்ல. தாக்குவது, தப்பி ஓடுவது என இரண்டில் எதையும் நீங்கள் செய்யலாம். விபத்து, தாக்குதல் காலங்களில் மக்கள் பெரும்பாலும் திகைத்து என்ன செய்வதென தெரிய...

    சேம் கைய் மங்கா காமிக்ஸ் மங்காகோ.காம் 50 அத்தியாயங்கள்--- இரண்டு பள்ளி மாணவர்கள். ஒருவன் படிப்பில் ஈடுபாடு கொண்டவன். அப்பாவி. இன்னொருவன், அடிதடி ஆள். எப்போதும் யாராவது அவனுக்கு எதிராக விரல் உயர்த்தினால் கூட கையை அடித்து முறிப்பவன். இவர்கள் இருவரும் எதிர்பாராதபடி ஒரு விபத்தில் சிக்குகிறார்கள். அதன் விளைவாக, இருவரின் ஆன்மா மாறுகிறது. இதனால் ஏற்படும் விவகாரங்களே கதை. இது ஒரு தற்காப்புக்கலை கதை. எனவே, கதையில் அடிதடி விஷயங்களே அதிகம். படக்கதை முழுக்க கருப்பு வெள்ளை என்பது வாசிக்கவே புதிய அனுபவத்தை தருவதாக உள்ளது. நாயகன் காங் டு ஜி உடலில் அப்பாவி மாணவன் சூன் ஆன்மா புகுந்துவிட, படிப்பதா, ஏற்கெனவே உள்ள எதிரிகளை அடித்து துவைப்பதா என அவன் யோசிக்கும் இடத்தில் கதை வேகம் பிடிக்கிறது. காங் டு ஜி உடல் அபாரமான தற்காப்புக்கலை ஆற்றல் கொண்டது. ஆனால் அதை இயக்கும் ஆன்மா, மாறிவிடுகிறது.அடிதடி என்றாலே மன்னிப்பு கேட்டுக்கூட தப்பித்து ஓடிவிடலாம் என நினைப்பவன், அவனுக்கு அவரும் எதிர்பாராத சவால்கள் மூலம் தற்காப்புக்கலை கற்க முயல்கிறான். அக்கலை பெயர் கோ மு டு. தற்காப்புக்கலை காமிக்ஸ் என்பதால் அடிதடி ம...

  மிஸ்டீரியஸ் லவ் (2021) சீன டிவி தொடர் பதினாறு எபிசோடுகள் ருவான் நினான் சூ என்ற நாடக நடிகைக்கும், ராணுவ வீரனுக்கும் உருவாகும் காதல் நிறைவேறியதா இல்லையா என்பதே கதை. ருவான் என்ற நாடக நடிகைக்கு ஐந்து ஆண்டுகளுக்கு முன்னர் நடந்த சம்பவம் அடிக்கடி கனவாக வந்துகொண்டிருக்கிறது. அந்த நேரத்தில், ருவான் மாஃபியா கும்பலால் கடத்தப்படுகிறார். அவரை, அந்த குழுவில் கருப்பு ஆடாக இருந்த ராணுவ அதிகாரி லீ, காப்பாற்றுகிறார். அதேசமயம் கப்பலில் நடைபெறும் விபத்தில் அவர் இறந்துபோகிறார். அதாவது, ருவான் அப்படி நினைத்துக்கொள்கிறார்.   ருவானுக்கு, ராணுவ அதிகாரி தன்னைக் காப்பாற்றிய காரணத்தால் அவரை எப்போதும் நினைத்துக்கொண்டே இருக்கிறார். அவர் தனக்கு கொடுத்த பூச்செடியை தொட்டியில் வைத்து ஐந்து ஆண்டுகளுக்கு மேல் பராமரிக்கிறார். இறந்துபோய்விட்டார் என மனது சொன்னாலும், அதே மனதின் இன்னொருபகுதி அப்படி நடந்திருக்காது என கூறுகிறது. பின்னாளில் ருவான், தனது வெய் குழுவினரின் நாடகத்திற்காக முன்னணி விளம்பர மாடல் ஒருவரை அழைக்கப் போகும்போது அவருக்கு பாதுகாவலராக இருப்பவர், ராணுவ அதிகாரி லீ சாயலில் இருப்பதைப் பார்க்க...

  அல்லுடா மஜாகா சிரஞ்சீவி, ரம்பா, ரம்யா கிருஷ்ணன் கிராமத்தில் உள்ள கோயில் நிலங்களை தேட்டை போட முயலும் பெரும் பணக்காரர்களுக்கு இடையில் கிராம பஞ்சாயத்து தலைவரின் மகள் மாட்டிக்கொள்கிறாள். அவளது வாழ்க்கையைக் காப்பாற்றி, மணம் செய்துவைக்க அண்ணன் திட்டமிடுகிறான். அவனது முயற்சி சாத்தியமானதா என்பதே கதை.  படத்தின் கதைதான் சீரியசாக இருக்கும். ஆனால் காட்சிகள் எதிலும் எந்த சீரியஸ் தனமும் இருக்காது. படத்தில் சண்டைக்காட்சி நடைபெற்று முடிந்ததும், வில்லனின் ஆள் இப்போதே ஹீரோவைக் கொன்னுட்டா அப்புறம் கதையில் என்ன சுவாரசியம் இருக்கும் என்கிறார். இறுதிக்காட்சியில் அடிபட்டு உதைபடும் நாயகனின் தங்கையை மணக்கும் மாப்பிள்ளை கேமராவைப் பார்த்து இன்னும் நாயகனின் சாந்தி முகூர்த்தம் இருக்கு.. அதையும் பாருங்க என்கிறார். இறுதிக்காட்சியில் மட்டும்தான் சிரஞ்சீவி தன்னை மணக்க கொழுந்தியாளும் தயாராக இருப்பதைப் பார்த்து மிரண்டு என்ன செய்ய என்று கேமராவைப் பார்த்து பேசுகிறார். முடியலடா சாமி.  படத்தில் தொடக்க காட்சிகள் மட்டுமே சற்று ஆறுதலாக இருக்கின்றன. படத்தில் லட்சுமியின் மகள்கள் ரம்பா, ரம்யா கி வந்தபிறகு படம் எந்...

                       டெக்கன் பிளட் வென்ஜென்ஸ் அனிமேஷன் - ஜப்பான்  அப்பா, மகன், பேரன் என மூன்று பேரும் டெக் நிறுவனங்களை வைத்து நடத்துகிறார்கள். ஜி கார்ப்பரேஷன், மிஷிமா என பல்வேறு பெயர்களில் நிறுவனங்களை வைத்திருக்கிறார்கள். அடிப்படையில் அத்தனை நிறுவனங்களிலும் அவர்கள் செய்வது ஒருவருக்கு இறப்பே இல்லாத செல்களைக் கண்டுபிடித்து அதை இளைஞர்களின் உடலில் செலுத்தி சோதிப்பது. சோதனை வெற்றியடைந்தால் பயன் நிறுவனத் தலைவர்களுக்கு.. தோல்வியடைந்தால் அது அந்த இளைஞனின் விதி.. மூன்று தலைமுறையினருக்கும் நடக்கும் அதிகாரப்போட்டி நிறைய மக்களின் வாழ்க்கையை முற்றாக அழிக்கிறது. அதைப்பற்றியெல்லாம் அவர்கள் கவலைப்படுவதில்லை. இறுதியாக உலகை ஆள்வது யார் என்ற கேள்விக்கு பதில் நான்தான் என மூன்று பேரும் சொல்லிவிட்டு ஒருவருக்கொருவர் மோதுகிறார்கள் இறுதி வெற்றி யாருக்கு என்பதை ரத்தம் தெறிக்க நரம்பு புடைக்க கட்டிடங்கள் உடைந்த நொறுக்க பீதியூட்டும்படி சொல்லுகிற படம் இது. ஜப்பானில் உள்ள பள்ளியொன்றில் படிக்கும் மாணவர்கள் திடீரென காணாமல் போகிறார்கள். அதில் ஒருவன் மட்ட...

        கால வேட்டையர்கள் முத்து காமிக்ஸ் சிவகாசி மெக்சிகோவில் நடைபெறுகிற கதை. அங்கு ஒரு பத்திரிகையாளர் பணியாற்றுகிறார். அவர் தனது நாளிதழுக்காக வேடிக்கையான கட்டுரை ஒன்றை எழுதுகிறார். அதன் விளைவாக அவருக்கு நேரும் ஆபத்துகளும் அது பிறரை எப்படி பாதிக்கிறது என்பதுதான் கதை. புதிதாக திருமணமான ஜோடி இருவர், கடற்கரையில் வந்து தேனிலவைக் கொண்டாடுகிறார்கள். அப்போது புகைப்படம் எடுக்க மணற்குன்று ஒன்றை நோக்கிச் செல்கிறார்கள். அங்குதான் வினோதமான குள்ளர்கள் ஒருவரை பிடித்துக்கொண்டிருப்பதைப் பார்க்கிறார்கள். கணவன், அவர்களிடமிருந்து அந்த மனிதனை மீட்க உதவுகிறான். மீட்கப்படும் மனிதன்தான், பத்திரிகையாளர். அடுத்த சம்பவம் தேனிலவு தம்பதிகளுக்கு நடைபெறுகிறது. அதில் கணவனைக் கொல்லும் முயற்சி தோல்வியில் முடிகிறது. மனைவியை பத்திரிகையாளரை கடத்த முயன்று தோல்வியுள்ள குள்ளர்கள் கூட்டிச்சென்று விடுகிறார்கள். அப்புறம் என்ன கதை தொடங்கிவிட்டது. அந்த குள்ளர்கள் யார், எதற்கு பத்திரிகையாளரை குறிவைத்து தாக்கி கடத்த முயன்றார்கள், இதில் புதுமணத் தம்பதிகளை ஏன் குள்ளர்கள் குறி வைக்கிறார்கள் என்பதற்கான விடையை காமிக்...

             லக் கீ தென்கொரியா    தென்கொரிய டிவி சீரியல்களில் துக்கடா வேடங்களில் நடித்து வரும் சீ ஜூங், நினைத்த வேகத்தில் முன்னேற முடியவில்லை.அவனது ஒரே ஆதரவான அப்பா சலூன் வைத்து நடத்துகிறார். அவர் அங்கு வரும் வாடிக்கையாளர்களிடம் கூட தனது மகனின் நடிப்பு ஆர்வத்தைப் பற்றி புல்லரிப்பாக பேசுவதோடு நம்பிக்கையும் கொண்டிருக்கிறார். ஆனால் மகனோ தான் தங்கியுள்ள அறைக்கு வாடகை கூட கொடுக்க முடியாமல் தூக்கு மாட்டிக்கொண்டு இறக்க நினைக்கிறான். அப்போது அவனுக்கு விதி வாய்ப்பு ஒன்றை வழங்குகிறது. விபத்தாகி நினைவிழந்த ஒருவரின் வீட்டு சாவி அவனுக்கு கிடைக்கிறது. அதை வைத்து அவன் தனது வாழ்க்கையை எப்படி மாற்றிக் கொண்டான் என்பதே கதை. உண்மையில் தமிழில் வெளிவந்த அறை எண் 305 இல் கடவுள் போலத்தான் கதையின் மையம் இருக்கிறது. கதாநாயகன் சீ ஜூங்கிற்கு ஒரு நூடுல்ஸ் வாங்கித்தரக்கூட ஆளில்லை. அவன் காதலித்த பெண்ணுக்கு இரண்டு மாதங்களில் திருமணமாகப் போகிறது. அவனது துக்கடா வேஷங்கள் பெரிய முன்னேற்றம் அடையவில்லை. உண்மையைச் சொல்லவேண்டுமென்றால் அறை வாடகை கொடுக்க கூட கையில் நயா பைசா கிடையாது. ...

  மிதுன் சக்கரவர்த்தி மிதுன் சக்கரவர்த்தி இந்தி நடிகர்  நீங்கள் 370 திரைப்படங்களுக்கு மேல் நடித்துவிட்டீர்கள். புதிதாக படம் தொடங்கும்போது பதற்றமாக இருக்குமா? பதற்றம் இருக்காது. ஆனால் நடிக்கும் குழு புதிது என்பதால் முடிந்தளவு கவனமாக இருப்பேன். அக்குழுவோடு முழுமையாக இணைய இரண்டு மூன்று நாட்கள் தேவை. ஜோக்குகளை சொல்லி அனைவரிடம் பேசினால்தான் நான் மூத்த நடிகர் என்பதை பலரும் மறப்பார்கள்.  நீங்கள் நடிக்க வந்து 46 ஆண்டுகள் ஆகிறது. அன்றிலிருந்து இன்றுவரை ஏற்பட்டுள்ள மாற்றங்கள் என்னென்ன என்று சொல்லுங்கள்.  எண்பது, தொண்ணூறுகளில் ஐந்து பாட்டு, ஐந்து பைட், நிறைய வசனங்கள் என இயங்கினோம். இப்போது முக்கியமான பாத்திரங்களில் பெரிய நடிகர்களே நடித்து வருகிறார்கள். இப்படி நடித்தால் நடிகர்களின் தொழில் வாழ்க்கை இன்னும் நீளும்.  அமேசானின் பெஸ்ட் செல்லர்ஸ் தொடரில் நடிக்கிறீர்கள் அல்லவா? அதில் போலீஸ் பாத்திரம். அவரின் பாத்திரத்தை பிறர் எளிதாக கணிக்கவே முடியாது. தனக்கென தனி யூடியூப் சேனலை வைத்து கொண்டிருக்கும் அதிகாரி. நகரில் எங்கு என்னென்ன உணவு கிடைக்கும் என பேசிக்கொண்டே இருப்பவர். அதேசமயம்...

            கிராக் Director: Gopichand Malineni Produced by: B. Madhu Writer(s): Gopichand Malineni, Sai Madhav Burra (dialogues) சாலையில் ஐம்பது ரூபாய் நோட்டு , மாங்காய் அதன் மேல் ஆணி ஒன்று என அனைத்தும் ஒன்றாக கிடக்கிறது . இவை மூன்றும் யாரைக் குறிக்கிறது என்பதுதான் படத்தின் கதை . மூன்று பேரும் மூன்று குற்றவாளிகள் , அவர்களின் வாய் வழியே எப்படி ஒரு போலீஸ் அதிகாரி அவர்களை கைது செய்தார் . என்பதுதான் கதையாக விரிகிறது .    ரொம்ப நாட்களுக்குப் பிறகு பார்முக்கு திரும்பியுள்ளார் மாஸ் மகாராஜா ரவிதேஜா . இதில் காதல் கிடையாது . கல்யாணம் ஆவதற்கான பாடல் ஒன்றூ . அதற்கு பிறகு வரும் பிரியாணி , கொரமீசம் பாடல் என காதலும் , அன்பும் பெருகியோடும்படி நடித்திருக்கிறார் . இவருக்கு ஈடுகொடுத்து நடித்திருக்கிறார் சுருதிஹாசன் . படம் முழுக்க குற்றவாளிகளை சற்றே கிராக்குத்தனமான போலீஸ்காரர் எப்படி அடித்து பிடித்து பிளக்கிறார் என்பதுதான் கதை . எனவே காதல் காட்சிகள் சற்றே ரிலாக்ஸ் செய்துகொள்வதற்கானவைதான் . அதிலும் பெண் பாத்திரங்களை சும்மா உலவ விடாமல் ...

pexals 1 அன்புள்ள அப்பாவுக்கு,  அன்பரசு எழுதுவது, தாங்கள் நலமாக இருக்கிறீர்களா? மஞ்சள் காமாலை பாதிப்பு இன்னும் முழுதாக நீங்கவில்லை. உடல் சோர்வும், மனச்சோர்வும் வாட்டுகிறது.  தினசரி சாப்பிடுவதற்கு முன்னதாக அறையில் கீழாநெல்லி பொடியை நீரில் கலக்கி குடித்து வருகிறேன். என்ன பலன் கிடைக்குமோ தெரியவில்லை. அறையில் சமையல் செய்யும் முயற்சிகள் மிக தூரத்தில் தெரியும் விளக்கு போலவே என்னை இன்னும் ஈர்த்துவருகிறது. ஆனால் அதற்கு எந்த பயனும் இல்லை. காரணம் எனது அலுவலகப் பணிகள்தான்.  காலையில் ஐந்து மணிக்கு எழுந்துவிட்டு சிறிதுநேரம் படிப்பேன். பிறகு, டீ குடிக்க ஜனா அண்ணனோடு செல்வேன். அவர் உறுதியாக டீ குடிப்பாரா என்று எனக்கு தெரியாது. காரணம், க்ரீன் டீ என டெட்லி டீ பாக்கெட்டுகளை வாங்கி வைத்திருந்தார். அது அவரின் ஸ்டைல். விஷயத்திற்கு வருகிறேன். ஏழரை மணிக்கு வரும் 12 ஜியில் ஏறிவிடுவேன், மலம் கழிப்பது கூட தினகரன் அலுவலகத்தில்தான். எங்கள் அறையில் தண்ணீர் நிரம்பிய பக்கெட்டைப் பார்ப்பது பாலைவனத்தில் பிஸ்லரி வாட்டர் பாட்டில் கிடைப்பதை விட அரிதானது. நீங்கள் மருத்துவமனையில் மனம...

வார் இயக்கம் - சித்தார்த் ஆனந்த் ஒளிப்பதிவு - பெஞ்சமின் ஜாஸ்பர் இசை - விஷால் - சேகர் பின்னணி - பல்காரா சகோதரர்கள் தேசபக்தி படம். ராணுவ உளவுத்துறையில் பணியாற்றும் கபீர். தனது வேலைக்காக தன்னையே தியாகம் செய்யத் தயங்காதாவர். ஆனால் அவரால் இலியாசி, ஹக்கானி எனும் தீவிரவாதிகளை மட்டும் பிடிக்க முடியவில்லை. உள்ளே இருந்து காட்டிக்கொடுக்கும் துரோகிகள் யாரென்று அவருக்கு தெரியவில்லை. அப்போது பார்த்து பாகிஸ்தானுக்காக உளவு பார்த்தவரின் மகன் காலித் அவரின் டீமில் சேர வருகிறார். அவரை சேர்த்துக்கொள்ள கபீர் மறுக்கிறார். அதற்கு என்ன காரணம், இருவரும் இணைந்து தீவிரவாதிகளை புரட்டி எடுத்தார்களா? துரோகி யார்? என்பதைத்தான் படம் பல்வேறு நாடுகளுக்கு பரபரவென சென்ற சேசிங் செய்து சொல்லியிருக்கிறது. தேறியது கட்டுடல் மன்னன் ரோஷன், அதற்கு சளைக்காத டைகர் ஷெரஃப். மற்றபடி பிற கதாபாத்திரங்கள் எதுவும் மனதில் நிற்கவில்லை. காதலித்தவன் தன்னை பயன்படுத்திக்கொள்கிறான் என்று தெரிந்தவுடன் வாணி கபூர் சிந்தும் கண்ணீர்த்துளிக்காக அவர் நடிக்கிறார் என்பதை ஏற்கலாம்.  பின்னணியும், பாடல்களும் பரவாயில்லை. சிவச...

மிஸ்டர் ரோனி வண்டி ஓட்டும்போது ஆவேசம் ஏற்படுவது ஏன்? சிக்னலை நான் இன்று இரண்டு நொடி தாமதத்தில் கடந்தபோது, ஆக்டிவா பயனர் எனது தாயைப் பழிக்கும் சொல்லை மிக வேகமாக சொல்லிச்சென்றார். ஹாரிஸின் தொடக்க வரிகளைப் போல நிதானமாக யோசித்தபோதுதான் என்ன சொன்னார் என்றே எனக்கு அர்த்தமானது. வைல்ட் டேல்ஸ் என்ற படத்தில் சொகுசு காரில் செல்பவரை, டிரக் கார் வைத்திருப்பவர் கிண்டல் செய்வார். உடனே அதற்கு சொகுசு கார் வைத்திருப்பவர் டென்ஷன் ஆவார். இருவரும் ஒருவரையொருவர் கொல்லத் துரத்துவார்கள். இறுதியில் இருவரும் விபத்துக்குள்ளாகி இறப்பார்கள். இருவரும் நண்பர்கள் கிடையாது. ஆனால் ஒரு சின்ன சம்பவம். ஈகோவுக்கு ஆபத்தாக, சண்டை தொடங்குகிறது. பைக், கார் வைத்திருப்பவர்கள் குறிப்பிட்ட நேரத்திற்கு முன்னதாக கிளம்புவதில்லை. காரணம், வண்டி இருக்கிறது. அழுத்திப் பிடித்தால் தாமதமான நேரத்தை எட்டிப்பிடித்துவிடலாம் என்ற பேராசை, மூர்க்கத் துணிச்சல். இதனால்தான். எந்த வண்டியில் பீக் அவரில் கூட வெள்ளைக் கோட்டிற்கு பின்னால் நிற்பதில்லை. அனைத்திலும் முந்தி என தினத்தந்தியின் டேக் லைன் போல அவசரப்படுவதுதான் இதில் பிரச்னையாகிறது...

freepik லவ் இன்ஃபினிட்டி குமார் சண்முகம் தொகுப்பு: மீகா, வில்லி ஜான்சன் எனக்கு தோல்வி பயம்ங்கிறது புதுசு கிடையாது. ஆனால் நடக்கிற சமயம் எனக்கு பயங்கிற டென்ஷன் ஆகும். விரும்பியது கிடைக்கும்போது கரும்பாக இனிக்கின்ற மனமே நினைத்தது நடக்காமல் போனால் நெஞ்சம் கொதிப்பது ஏன்? சொல் மனமே உனக்கு Phone பண்ணலாம்னு நினைத்தேன். நீதான் ஆத்தா வீட்டில் இருக்கிறாய். எப்படி பேச முடியும்னு நினைத்து பண்ணலை. ஏன் அப்பாகிட்ட சண்டை போடற. சண்டை போட்டா. உன் பிரச்னை தீர்ந்திடுமா. (What is the problem? I don't Know) என்னைப் பாரு. எங்கப்பா என்னை கண்டபடி திட்டினாலும் நான் பேசாம அமைதியா இருந்துருவேன். ஏன்னா அவங்க கிட்டதான் பணம் வாங்கணும். நம்ம அப்பாதானே திட்டறாங்க. இதுக்குப் போயி எதுக்கு உன் மனசை கஷ்டப்படுத்திக்கிறே? நான் தனியா இருக்கும்போது நினைப்பேன். என்னடா நாம் இந்த 19 வது வயசுல இந்தளவு கஷ்டத்தை அனுபவிக்கிறோமேன்னு. ஆனால் எந்தவொரு கசப்பான நிகழ்வுகளுக்கு பின்னாடிதான் இனிப்பான நிகழ்ச்சிகள் நடக்கும். எக்சாம்பிளுக்கு என்னையே எடுத்துக்க. என்னைப் பாராட்டுகிற வாயாலேயே திட்டும் வாங்குவேன். ஆ...