கோமாளிமேடை

விக்டர் ஹியூகோ ! ப்ரெஞ்ச் எழுத்தாளரான விக்டர் ஹியூகோ 1802 ஆம் ஆண்டு பிப் .26 அன்று பிறந்தவர் . எழுத்தாளராக   Les Miserables, The Hunchback of Notre-Dame உள்ளிட்ட புகழ்பெற்ற படைப்புகளை எழுதினார் . இதோடு , ஏராளமான படங்களையும் வரைந்து கண்காட்சி வைத்தார் . தன் வீட்டில் தீவிரமாக எழுதிக்கொண்டிருக்கும் விக்டர் ஹியூகோ , கற்பனை தடைபடும்போது தன் வேலையாட்களை கூப்பிட்டு முழு ஆடைகளையும் கழற்றிக் கொடுத்துவிடுவார் . நிர்வாண நிலையில் மீண்டும் பேனா பிடித்து நினைத்ததை எழுதி முடித்தபின்னரே ஆட்களை அழைத்து ஆடையை பெறுவார் . காமத்தில் பெருந்தீயாக வளர்ந்து எழுந்தவர் விக்டர் ஹியூகோ . ஒரேநாளில் நான்கு பெண்களுடன் உறவு கொண்ட ஹியூகோ , மணமான , பணிப்பெண்கள் உட்பட நூறுக்கும் மேலான பெண்களுடன் காமத்தேனை அருந்தினார் . அதோடு தன் வீட்டிற்கு வரும் விருந்தினர்களை அவர்களறியாமல் வேடிக்கை பார்க்கவென துளைகளை சுவர்களில் அமைத்த வாயேரிச எழுத்தாளர் விக்டர் . லெஸ் மிஸரபிள் நாவலை எழுத மட்டும் விக்டர் பதினேழு ஆண்டுகள் எடுத்துக்கொண்டார் . இதில் 6 லட்சத்து 55 ஆயிரத்து 478 வார்த்தைகளை பயன்படுத்தியிருந்தார்