இடுகைகள்

மின்னூல் 2023 லேபிளைக் கொண்ட இடுகைகளைக் காட்டுகிறது

புரட்சித்தலைவன் புதிய இ நூல் வெளியீடு - அமேஸான் வலைத்தளம்

படம்
  லினக்ஸ் இயக்கமுறைமையை உருவாக்கி உலகம் முழுக்க புதிய புரட்சியை ஏற்படுத்தியவர், லினஸ் டோர்வால்ட்ஸ். விண்டோஸ் இயக்கமுறைமையை எதிர்க்கும் இலவச மென்பொருள் இதுவே. ஆனால், வெகுஜன அளவில் அந்தளவு பிரபலம் ஆகவில்லை. இன்று தமிழக அரசு மடிக்கணினிகளில் விண்டோஸ் மென்பொருளுடன் கூடவே லினக்ஸூம் உள்ளது. லினஸ் டோர்வால்ட்ஸ் யார், அவர் செய்த புரோகிராமிங் செயல்பாடு, இலவச மென்பொருள் இயக்கம் என பல்வேறு விஷயங்களை புரட்சித்தலைவன் எனும் இந்நூல் சுருக்கமாக விளக்குகிறது. நூலை வாசிக்க....  https://www.amazon.in/dp/B0CPXS98VH நன்றிக்குரியோர் கணியம் சீனிவாசன் கே என் சிவராமன் அஸ்ரத் ஹக்கீம் மீகா மைக்கேல் எஸ் ஆர் எலக்ட்ரிகல் சரவணன் 

புதிய இ நூல் - புரட்சித் தலைவன் அட்டைப்படம் வெளியீடு

படம்
  லினஸ் டோர்வால்ட்ஸின் வாழ்க்கை சிறு மின்நூலாக.... விரைவில்....

அவதாரம் 3 - மனமும் ஆய்வுகளும் நூல் அமேசான் வலைத்தளத்தில் கிடைக்கிறது!

படம்
  அவதாரம் தொடர்வரிசை நூலின் மூன்றாவது நூல். இந்தவகையில் தொடரின் இறுதி நூலும் இதுதான். வெகுநாட்களாக உளவியல் கொள்கைகளை அங்கொன்றும் இங்கொன்றுமாக குற்ற நூல்களில் எழுத முடிந்ததே ஒழிய அவற்றை முழுமையாக எழுத முடியவில்லை. அதற்கான நல்வாய்ப்பாக அவதாரம் நூல்கள் அமைந்தன. இதற்கென ஆங்கில நூல்களும், மாத இதழ்களும் கூட கிடைத்தன. அவற்றின் அடிப்படையில் எழுதப்பட்ட நூல் வரிசைதான் அவதாரம்.  மூன்றாவது நூலில் உளவியலாளர்கள் பெரும்பாலானோரைப் பற்றி எழுதப்பட்டுள்ளது. இதில், யாரேனும் விலகியிருந்தால், அவர்களைப் பற்றி வலைப்பூவில் எழுத முயற்சி மேற்கொள்ளப்படும். உளவியல் பற்றிய ஆர்வம் உள்ளவர்களுக்கு அவதாரம் 3 நூல், ஆச்சரியம் தரும். இதில், அந்தளவு உளவியலாளர்கள். அவர்களின் கொள்கை, கோட்பாடுகள், வாழ்க்கை என பலவும் பேசப்படுகிறது. நூலைப் படியுங்கள். பிடித்திருந்தால் ஒத்த ஆர்வமுள்ளவர்களுக்குப் பகிருங்கள். நன்றி நூலை எழுதும்போது எனக்கு ஊக்கமூட்டுதலாக இருந்த ஒரே ஆன்மா நண்பர் மெய்யருள் அவர்கள். அவர்களுக்கு இந்தநூலை அர்ப்பணிக்கிறேன்.  Please click the link for read the book https://www.amazon.in/dp/B0CPKTBF2X

அவதாரம் 3 - மின்னூல் அட்டைப்படம் வெளியீடு -

படம்
  மின்னூல் விரைவில் வெளியீடு.... சமர்ப்பணம் வடிவமைப்பாளர் வெள்ளோடு மெய்யருள் அவர்களுக்கு...

புதிய நூல்கள் வெளியீடு - அமேஸான் வலைத்தளம்

படம்
 

அவதாரம் 1 - உள் ஆழத்தில் ஒரு எதிரொலி மின்னூல் வெளியீடு!

படம்
உளவியல் குறைபாடுகள், அதற்கான சிகிச்சை, மருந்துகள் பற்றி விவரிக்கிற நூல் இது. இந்த நூல் மூலம் ஒருவர் உளவியல் குறைபாடுகள், அதன் அறிகுறிகள், மருந்துகள் ஆகியவற்றைப் பற்றி அறியலாம். மற்றபடி மருத்துவரின் பரிந்துரையின்றி மருந்துகளை நேரடியாக ஒருவர் பயன்படுத்தக்கூடாது. இந்த நூல் உளவியல் குறைபாடுகளை, அறிகுறிகளை அறிந்துகொள்ள உதவும் வழிகாட்டி நூல் மட்டுமே.  https://kdp.amazon.com/en_US/bookshelf?publishedId=ARXS766BBPQT0

அவதாரம் மின்னூல் அட்டைப்படம் வெளியீடு!

படம்
 

அவதாரம் 2 - குற்றமூலம் மின்னூல் வெளியீடு

படம்
    உளவியல் சார்ந்த சிறு மின்னூல்தான். இந்த நூலில் உளவியலாளர்கள், அவர்களின் கோட்பாடுகள் பற்றி சுருக்கமாக எளிமையாக விளக்கப்பட்டுள்ளது. உளவியல் சார்ந்து அறிந்துகொள்ள முயல்பவர்களுக்கு நூல் ஆர்வமூட்டும்படியாக இருக்கும். நூலை அமேஸான் தளத்தில் வாசியுங்கள்.  நூலை வாங்க..... https://www.amazon.in/dp/B0CM33G8QT

அவதாரம் 2 - குற்றமூலம் - புதிய மின்னூலின் அட்டைப்படம் வெளியீடு

படம்
  சமர்ப்பணம் திரு. கணியம் சீனிவாசன் அவர்களுக்கு.... அட்டை வடிவமைப்பிற்கு உதவி  ஜிம்ப் மென்பொருள் அட்டைப்படம்  பின்டிரெஸ்ட்

டீ இசம் - அகாகுரா காகுஸோ - மின்னூல் வெளியீடு

படம்
  டீ இசம் நூல், தேநீர் அருந்துவதில் உள்ள விழிப்புணர்வை பற்றி பேசுகிறது. ஜப்பான் நாட்டைச் சேர்ந்த எழுத்தாளர் அகாகுரா, மேற்கு நாட்டினருக்கு தேநீர் அருந்துவது பற்றிய கலாசாரத்தை பற்றி விளக்கிப் பேசுகிறார். ஜப்பான் நாட்டில் இன்று வரை டீ செரிமொனி முக்கியமானதாக கடைபிடிக்கப்படுகிறது.  தேநீர் அருந்துவதை ஜென், தாவோயிசம் ஆகிய மதங்கள் எப்படி வளர்த்தெடுத்தன என்பதை வரலாற்று கண்ணோட்டத்தில் சான்றுகளோடு அகாகுரா நூலில் விளக்கியுள்ளார். இந்த நூலை படித்தபிறகு நீங்கள் தேநீர் குடிப்பதை மனமார்ந்து விழிப்புணர்வோடு செய்ய வாய்ப்பிருக்கிறது. ஜென், தாவோயிச மடாலயங்களில் தேநீர் அருந்துவது, முக்கியமான தியான சடங்குகளில் ஒன்று.  பத்திரிகையாளர் த. சக்திவேல் அவர்களுக்கு இந்த நூல் சமர்ப்பணம். அவரது நட்பு மற்றும் ஆதரவில்தான், நான் ஏராளமான தேநீர் கடைகளுக்கு சென்று பல்வேறு விதமான தேநீரை சுவைக்க முடிந்தது.  நூலை வாசிக்க க்ளிக் செய்யுங்க.... https://www.amazon.in/dp/B0CHFJ22QQ

ஆதிகாலத் தோழன் - புதிய மின்னூல் வெளியீடு - தரவிறக்க இணைய இணைப்பு

படம்
  ஆதிகாலத்தோழன் மின்னூலின் அட்டைப்படம் நாய்களைப் பற்றி நமக்கு தெரிந்தது குறைவே. காரணம் அவை நமக்கு கட்டுப்பட்டவை. உத்தரவைக் கேட்டு நடக்கும் உயிரினம் என நினைத்துக்கொண்டிருக்கிறோம். உண்மையில் அதன் மூளையில் என்ன நடக்கிறது, மனிதர்களோடு இணைந்து சகித்து வாழ்வது, ஏறத்தாழ குடும்பத்தில் ஒரு உறுப்பினர் போல அதீத நட்புணர்வு காட்டுவது என இதன பின்னணியில் உள்ள விஷயங்களை ஆதிகாலத் தோழன் நூல் வெளிச்சமிட்டு காட்டுகிறது. இந்த நூலை வாசித்தவர்கள், தங்களது நாய்களை கவனித்து வளர்ப்பதோடு, அதனைப் புரிந்துகொள்ளவும் முயல்வார்கள் என்பது உறுதி. https://www.amazon.in/dp/B0CDM2JZG1 இந்த நூலின் சில அத்தியாயங்கள் சப்ஸ்டாக் வலைத்தளத்தில் கிடைக்கும். அதில் இணைந்து வாசியுங்கள்.நன்றி!

ஆதிகாலத் தோழன் - புதிய மின்னூல் வெளியீடு - அமேஸான் வலைத்தளத்தில் விரைவில்.....

படம்
 

தேடுபொருள் யாதுமிலை - கடித நூல் - புதிய மின்னூல் வெளியீடு - அமேஸான் வலைத்தளம்

படம்
  தேடுபொருள் யாதுமிலை நூல், இரா.முருகானந்தம் அவர்களுக்கு எழுதிய கடிதங்களைப் பெரும்பான்மையாக கொண்டுள்ளது. இந்த கடிதங்களின் வழியே பத்திரிகை பணி, அதில் எதிர்கொண்ட சிக்கல்கள், சந்தித்த மனிதர்கள், எழுத்துப்பணி, தனிப்பட்ட மனநிலை என நிறைய விஷயங்கள் பேசப்படுகின்றன.இவை குறிப்பிட்ட காலகட்டத்தை கல்லில் பொறிப்பது போலத்தான் அமைகின்றன. மன்னர் என்றால் கல், எழுத்தாளன் என்றால் சொல் சரிதானே?  ஆரா பிரஸ்ஸின் வெளியீட்டில் கடித நூல்களுக்கு முக்கியப் பங்குண்டு. அந்த வகையில் இந்த நூலும் முக்கியமானது. பரபரப்பான உலகில் மனிதர்களுக்கு நிதானமாக ஒன்றை ஆழ்ந்து பார்க்கும் புரிந்துகொள்ளும் எண்ணம் குறைந்துபோய்விட்டது. கடிதங்கள் எழுதும்போதும், அதற்குப் பிறகு அதை கையில் எடுத்து வாசிக்கும்போதும் பல்வேறு வகையான எண்ணங்களை உருவாக்குகிறது. அந்த வகையில் தேடுபொருள் யாதுமிலை கடித நூல், உங்களுக்கும் பல்வேறு நினைவுகளை, உங்கள் நட்புவட்டம் சார்ந்து உருவாக்கலாம். நூலை வாசியுங்கள். பிடித்திருந்தால் வாசிப்பு வேட்கை கொண்டவர்களுக்கு பரிந்துரையுங்கள். மிக்க நன்றி  தலைப்பு உதவி கவிஞர் பாரதிதாசன் நூலை வாசிக்க... https://www.amazon.com/dp/B0

யாவரும் ஏமாளி 2 நூலை வாசியுங்கள்- அமேஸான் வலைத்தளம் வழியாக .....

படம்
  யாவரும் ஏமாளி 2 அட்டைப்படம் ஒரு பொருளை வாங்குவதை எப்படி முடிவுசெய்கிறோம், விலை என்பதை விட அதைத் தாண்டிய நிறைய காரணங்கள் உள்ளன. இந்த வகையில் யாவரும் ஏமாளி 2, நமது மூளையில் உள்ள சில அம்சங்களை அடையாளம் கண்டு வாங்கும் பழக்கத்தைப் பற்றிய அறிவியல் அம்சங்களைக் கூறுகிறது. இந்த வகையில், உங்களால் செலவுகளைக் கட்டுப்படுத்த முடியும். குறைந்தபட்சம் ஏன் பொருட்களை வாங்கினோம் என யோசிக்க முடியும். அந்த வகையில் இந்த நூல் ஒருவருக்கு சிக்கனமாக இருக்க கற்றுக்கொடுக்கிறது.  நூலை வாசிக்க.... https://www.amazon.in/dp/B0CB1S9R8Z

யாவரும் ஏமாளி 2 - புதிய மின்னூல் வெளியீடு - அமேஸான் வலைத்தளத்தில்.... விரைவில்

படம்
 

தனித்துவமான பாத்திரங்களின் இயல்பை பேசும் மின்னூல்! - What an idea sirji

படம்
  பொதுவாக மசாலா படங்களில் பரிசோதனை முயற்சிகளை நிறைய இயக்குநர்கள் செய்ய மாட்டார்கள். ஆனால் இன்று வரும் புதிய இயக்குநர்கள் அதையும் ஒரு கை பார்க்கிறார்கள். இன்று தியேட்டரில் வெளியாகும் படம் கடந்து ஓடிடி என்பது தனி ஒரு வணிகமாக மாறிவருகிறது.  வணிகப் படங்களில் தனித்துவமான பாத்திரங்களை நெருக்கடிகளுக்கு பணியாமல் உருவாக்கி வெற்றி பெற வைப்பது கடினம். அப்படியான சில பாத்திரங்களை மட்டுமே இந்த நூல் பேசுகிறது.  படம் வெற்றி பெற்றாலும் தோல்வியுற்றாலும் கூட சில பாத்திரங்களை நாம் மறக்கவே முடியாது. சினிமா என்பது நம் ரத்தத்தோடு கலந்த ஒன்றாக மாறி வெகு காலமாகிறது. அப்படியான சில மசாலா படங்களில் பாத்திரங்களைப் பற்றி பேசி அதன் உளவியலை ஆராய்வதே நூலின் நோக்கம். நூலின் அனைத்து படங்களும், பாத்திரங்களும் மகத்தானவை என்று கூறமுடியாது. எனது மனதிற்கு வித்தியாசமான பாத்திரங்கள் என்று தோன்றியவற்றை எழுதியிருக்கிறேன். உங்களுக்குப் பிடித்தால் நூலை தரவிறக்கி வாசியுங்கள். நன்றி! லாய்ட்டர் லூன் நூலைப் பெற... https://www.amazon.in/dp/B0C8MQP59X

சினிமாவில் உள்ள தனித்துவமான பாத்திரங்கள் பற்றிய நூல்! - விரைவில் அமேஸானில் வெளியீடு

படம்
 

பேராசை பூதம் 2 - ஹிண்டன்பர்க் அறிக்கையின் தமிழாக்கம் - மின்னூல் வெளியீடு

படம்
  இன்று இந்தியாவில் மத்திய அரசு எடுக்கும் பல்வேறு நடவடிக்கைகளை  பலம் வாய்ந்த தொழில் நிறுவனங்களே முடிவு செய்கின்றன. அரசின் கொள்கை மாற்றங்களை பெருநிறுவனங்கள் முடிவு செய்து அறிவிக்கச்செய்து பயன் பெறுகின்றன. நாட்டின் பிரதமர் தொழில்நிறுவனங்களோடு நெருக்கமாக இருப்பது, அணுக்க முதலாளித்துவம் என்று கூறப்படுகிறது. இப்படி இருப்பதால் அவருக்கும் அவர் சார்ந்த கட்சிக்கும் நன்மை உண்டு. வாக்களித்த மக்களுக்கு எந்த நன்மையும் இருக்காது. தொழிலதிபரின் வாராக்கடன்களுக்கு, வரிச்சுமையை சுமக்க வேண்டியது மக்கள்தான்.  அதானி குழுமம், பல்லாண்டுகளாக திட்டமிட்டு செய்த மோசடிகளை பேராசை பூதம் 3 நூல் விவரிக்கிறது. இதைப் படிக்கும்போது இப்படியெல்லாம் யோசித்து நிதி மோசடிகளை செய்ய முடியுமா என பிரமித்து அதிர்ச்சியடைவீர்கள்.  அந்தளவு நேர்த்தியாக திட்டமிட்டு இந்தியாவை மட்டுமல்ல வரி கட்டும் அத்தனை குடிமக்களையும் ஏமாற்றியுள்ளது அதானி குழுமம். மோசடிக்கு கௌதம் அதானியின் மொத்த உறுப்பினர்களுமே காய்களாக பயன்படுத்தப்பட்டிருக்கின்றனர்.   பங்குச்சந்தை நிதியை மடைமாற்றி தனது இஷ்டம்போல நிறுவனத்தின் மதிப்பை மாற்றிக் காண்பித்து அதை அடையாளம் கண

பதில் சொல்லுங்க ப்ளீஸ் 3 - புதிய மின்னூல் வெளியீடு

படம்
  பதில் சொல்லுங்க ப்ளீஸ் 3, தொடர்வரிசை நூலாக வெளிவருவது திட்டமிடாத ஒன்று. இந்த நூலில் தினசரி வாழ்க்கையில் எதிர்கொள்ளும் பல்வேறு வேடிக்கையான கேள்வி பதில்கள் உள்ளன. அதை ஒருவர் வாசிக்கும்போது, அதற்கான அறிவியல் விளக்கத்தை எளிதாக புரிந்துகொள்ள முடியும்.  கேள்வி பதில் என்றாலும் அதன் வடிவம் மூடநம்பிக்கை, அதற்கான அறிவியல் விளக்கம் என்பதாக வடிவமைக்கப்பட்டுள்ளது. இதனால் ஒருவரின் மனதில் ஆராயாமல் நம்பும் விஷயத்தை தவறு என்று சொல்ல அறிவியலில் நிச்சயமாக ஆதாரங்கள் தேவைதானே? அந்த அடிப்படையில் அறிவியல் ஆதாரங்கள் எழுதப்பட்டுள்ளன. பிபிசி, நியூ சயின்டிஸ்ட், கார்டியன், டிஸ்கவரி, நியூ சயின்டிஸ்ட், பாப்புலர் சயின்ஸ் என பல்வேறு அறிவியல் இதழ்களிலிருந்து பெறப்பட்ட அறிவியல் தகவல்களின் சேகரம்தான் இது. நூலை வாசியுங்கள். பிடித்திருந்தால் நண்பர்களுக்கும், அறிவியலை நேசிப்போருக்கும் பகிருங்கள். நூலைத் தரவிறக்கி வாசிக்க... https://www.amazon.in/dp/B0BXF3HGTF அட்டைப்படம்  பின்டிரெஸ்ட்  வடிவமைப்பு  AU STUDIO

பதில் சொல்லுங்க ப்ளீஸ் 2 - அறிவியல் கேள்வி பதில்கள் - மின்னூல் வெளியீடு

படம்
  பதில் சொல்லுங்க ப்ளீஸ் 2, எந்த வகையில் வேறுபட்டது? முதல் நூல் போல இதில் நகைச்சுவை இருக்காது. சற்று குறைவு. ஏன் இல்லவே இல்லை எனலாம். இதெல்லாம் வெளியிட்ட நாளிதழின் ஆசிரியரின் கைத்தொழில் காரியம். ஆனால் அறிவியல் மூடநம்பிக்கைகளை, அறிவியல் உண்மையோடு எதிர்கொள்ள நேர்ந்தது எனக்கு பிடித்திருந்தது. வாரம்தோறும் இரண்டு நாட்கள் இதற்காக வேலை செய்தபோது தெரிந்து கொண்ட விஷயங்கள் எனக்கு பரவசம் தந்தன.  தினந்தோறும் அறிவியல் உலகம் புதுப்பிக்கப்பட்டுக் கொண்டே இருக்கிறது. கேள்விகளை பல்வேறு வடிவங்களில் இணையத்தில் தேடி, அதற்கான பதில்களை ஒப்பீடு செய்து தேர்ந்தெடுத்து தமிழாக்கம் செய்தேன். இந்த வேலை தந்த மகிழ்ச்சி, அக்காலகட்ட  இழிவான அலுவலக அரசியலைக் கூட சற்று மறக்கடித்துவிட்டது. வித்தியாசமான கோக்குமாக்கான கேள்விகளை எடுத்தாலும் அதற்கு நேர்த்தியான அறிவியல் ரீதியான விளக்கம் உள்ளே இருக்கிறது. இதுதான் வாசகர்களுக்கு வாசிப்பில் ஆர்வமூட்டும் விஷயமாக கருதுகிறேன். வாசியுங்கள். நூல் பிடித்திருந்தால் நண்பர்களுக்குப் பகிருங்கள். நன்றி நூலைத் தரவிறக்கி வாசிக்க.... https://www.amazon.in/dp/B0BWXM1M4X