இடுகைகள்

குங்குமம் - இயற்கை லேபிளைக் கொண்ட இடுகைகளைக் காட்டுகிறது

விதைகளை சேமிக்கும் வங்கி!

படம்
உலக மக்களின் எதிர்காலம் காக்கும் வங்கி ! - ச . அன்பரசு ஒருபுறம் க்ரீன்லாந்து கடலுக்கும் மறுபுறம் ஆர்க்டிக் கடலுக்கும் அருகில் வங்கி அமைக்க நிச்சயம் ஒருவருக்கு உச்சபட்ச தைரியம் வேண்டும் . ஆனால் அந்த இடத்திற்கு மக்கள் எப்படி வருவார்கள் என்று கேட்கலாம் ஆனால் இது பணப்பரிமாற்றத்திற்கான வங்கி அல்ல ; அடுத்த தலைமுறைகளை வாழவைக்கும் விதைகளுக்கான ஸ்பெஷல் வங்கி . நார்வே அரசின் உணவுத்துறை , மரபணு மையம் மற்றும் பயிர்அறக்கட்டளை இணைந்து ஸ்பிட்ஸ்பெர்ஜன் தீவில் அமைத்துள்ள ஸ்வால்பார்ட் விதை வங்கிக்கு இந்த ஆண்டு பத்தாவது பர்த்டே . மைனஸ் பதினெட்டு டிகிரி செல்சியஸில் கவனமாக பாதுகாக்கப்படும் விதை வங்கியில் 9 லட்சத்து 68 ஆயிரத்து 557 விதைகள் பாதுகாக்கப்படுகின்றன . எதற்கு இவ்வளவு பாதுகாப்பு ? நார்வேயிலுள்ள இந்த விதை வங்கி விதைகள் , அரிய தாவரங்கள் நமக்கானதல்ல ; எதிர்கால தலைமுறையினருக்காக . நிலநடுக்கம் , பூகம்பம் , தீவிபத்து ஆகியவை ஏற்பட்டு பயிர்கள் அழிந்துபோனால் நிலத்தில் உழுது பயிரிட  நெல் , கோதுமை , சோளம் ஆகிய தானியங்கள் வேண்டுமே ? அதற்காகத்தான் . இந்த பாதுகாப்பான விதைவங்கி .