அத்தையின் கொட்டத்தை அடக்கி ஒட்டுமொத்த குடும்பத்தை ரேஷன்கார்டில் சேர்க்கும் அல்லுடு! - அத்தாக்கு மொகுடு - சிரஞ்சீவி
அத்தாவுக்கு மொகுடு சிரஞ்சீவி, விஜயசாந்தி, பிரம்மானந்தம் இதுவும் ரஜினி நடித்த படம்தான். இதில் மாமியாரின் ஆணவத்தை மருமகன் எப்படி அடக்கி அவளின் குடும்பத்தை ஒன்றாக சேர்க்கிறான் என்பதே கதை. படம் வெற்றி பெற்றது என்றாலும் பெரிய முரண், திருப்புமுனை என்பதெல்லாம் இல்லை. நகைச்சுவையோடு உள்ள படம். இன்று சீரியல்கள் வரிசையாக ஓடும் காலத்தில் இந்த படம் நெடுந்தொடர்களைத்தான் மீண்டும் நினைவுபடுத்துகிறது. படத்தை தன் தோளில் தூக்கி சுமந்திருப்பது, சிரஞ்சீவிதான். படத்தில் பெரும் நட்சத்திரப் பட்டாளம் உள்ளது. அத்தனையிலும் தனியாக தெரியும் ஆட்கள் என்று பார்த்தால் யாருமில்லை. இதில், விஜயசாந்தி எப்படி சிரஞ்சீவியை காதலிக்கிறார் அதாவது கல்யாண் என்ற பாத்திரத்தை என்று பார்த்தால், தலையே சுற்றிப்போகும். தன் தோழியை வலுக்கட்டாயமாக தூக்கிச்சென்று இன்னொருவருக்கு மணம் செய்விக்கிறார். இதற்காக பெண்ணின் பெற்றோரை முந்திக்கொண்டு காவல்துறையில் புகார் கொடுக்கிறார். அதில்தான், கல்யாணின் குணம் புரிந்து குற்றவுணர்வு கொண்டு காதல் வயப்படுகிறார். இந்த காட்சிகளெல்லாம் அடடா, அப்பப்பா ரகத்தில் எடுத்து வைத்திருக்கிறார்கள். விஜயசாந்தியின
