கோமாளிமேடை

ஆதார் செக்கிங் அவசியம் ! அரசு நிறுவனங்களைப்போலவே பிரபல திருமணப்பொருத்த தளங்களிலும் ஆதார் எண்களை கேட்கத்தொடங்கியுள்ளனர் . என்ன காரணம் ? டூப்ளிகேட் புகைப்படங்கள் , போலி விவரங்கள் உள்ளிட்டவற்றை அப்டேட்டி நடக்கும் கல்யாணங்கள் பின்னாளில் உண்மை தெரிந்து களேபரமாவதுதான் காரணம் . 91 சதவிகித பெண்கள் மேரேஜ் மாப்பிள்ளைகளின் புரோஃபைல் பொய்களை நம்புவதில்லை என ஆய்வு முடிவுகள் தெரிவிக்கின்றன . பிராண்ட் இமேஜை காப்பாற்ற பிரபல மேட்ரிமோனி தளங்கள் ஆதார் எண்களை கட்டாயமாக்கியுள்ளன . " ஒருநாளில் கோடிக்கணக்கான வரன்களின் தகவல்கள் பார்க்கப்பட்டு வருவதால் தகவல்களின் உறுதித்தன்மையை சரிபார்க்கும் அவசியத்திற்காகவே இம்முயற்சி . இதன்மூலம் தகவல்களை தவறாக பயன்படுத்தும் செயல்பாடுகளை குறைக்கமுடியும் என நம்புகிறோம் " என்கிறார் பிரபல திருமணப்பொருத்த நிறுவன இயக்குநரான கௌரவ் ரக்‌ஷித் . முன்னதாக பான்கார்டு மற்றும் பாஸ்போர்ட் உள்ளிட்ட அரசு ஆவணங்களை இணைப்பதோடு இனி ஆதாரும் கட்டாயமாவது நம்பிக்கைக்கு கேரண்டி தருகிறது .   

விண்வெளியில் இஸ்‌ரோ இந்தியர் அண்மையில் விண்வெளிக்கு வீரர்களை கொண்டு சென்று திரும்ப வரும் ஹியூமன் கேப்சூல் டெக்னிக்கை  ஹரிகோட்டா மையத்தில் இஸ்‌ரோ சோதித்துள்ளது . மூன்று நிமிடங்களில் நடந்து முடிந்த சோதனை , விண்வெளி வீரர்களை பாதுகாப்பாக கேப்சூல் மூலமாக மீட்கும் Pad Abort Test(PAT) ஆகும் . விண்கலங்களை திரும்ப பயன்படுத்தும் RLV-TD சோதனையை இஸ்‌ரோ வெற்றிகரமாக நடத்தியுள்ள நிலையில் அடுத்த முக்கிய சோதனையாக சந்திரயான் 2 உள்ளது . அக்டோபரில் விண்ணில் செலுத்தப்படவிருக்கும் சந்திரயான் 2 வின் திட்ட மதிப்பு 800 கோடி . ரீயூஸபிள் விண்கல தொழில்நுட்பத்தை இந்தியா கண்டறிந்தாலும் இன்னும் மேலதிக முன்னேற்றம் தேவையாகவுள்ளது . " அடுத்த பத்தாண்டுகளில் விண்வெளிக்கு சென்று திரும்பும் விண்கல தொழில்நுட்பத்தில் இந்தியா முக்கிய இடம் பிடிப்பதோடு , பத்தில் ஒருபகுதி மட்டுமே இதற்கு செலவாகும் " என்கிறார் இஸ்‌ரோவின் முன்னாள் தலைவரான கிரண்குமார் . இஸ்‌ரோ பயன்படுத்தும் TSTO தொழில்நுட்பம் விண்வெளிக்கு வீரர்கள் செல்லும் திட்டத்தில் முக்கிய பங்கு வகிக்கும் என இஸ்‌ரோ கூறியுள்ளது .

ஒட்டகச்சிவிங்கி வேட்டை ! தென் ஆப்பிரிக்காவில் ஒட்டகச்சிவிங்கியை வேட்டையாடி பெருமையுடன் போட்டோ எடுத்து இணையத்தில் பகிர்ந்த அமெரிக்கா பெண்மணி  டெஸ் தாம்சன் , ஒரே புகைப்படத்தில் டாப் செலிபிரிட்டியாகியுள்ளார் . " கறுப்பு ஒட்டகச்சிவிங்கியை வேட்டையாடுவது என் வாழ்நாள் கனவு . என் கனவு நிஜமாகியிருக்கிறது " சமூக வலைதளத்தில் பெருமையுடன் பகிர , " அரிய விலங்கை வேட்டையாடி பெருமையா ?" என நெட்டிசன்கள் வறுத்தெடுத்த உடனே அப்பதிவை நீக்கிவிட்டார் டெஸ் தாம்சன் . ஆனால் புகைப்படம் அதற்குள் ஆயிரக்கணக்கான பயனர்களிடம்  பகிரப்பட்டுவிட்டது . 1985 ஆம் ஆண்டு முதலாக கருப்புநிற ஒட்டகச்சிவிங்கி அரிய உயிரினமாக பட்டியலில் வகைப்படுத்தப்பட்டுள்ளது . உலகில் வாழும் இவ்வகை ஒட்டகச்சிவிங்கியின் எண்ணிக்கை 40 சதவிகிதம் . தென் ஆப்பிரிக்காவில் வேட்டையாடுவதற்கு சட்டப்பூர்வ அனுமதி உண்டு . இதன் மூலம் ஆண்டுவருமானம் 2 பில்லியன் டாலர்கள் வருமானம் அரசுக்கு கிடைக்கிறது . 2011 ஆம் ஆண்டு அமெரிக்க அதிபர் ட்ரம்பின் மகன்கள் டொனால்ட் ஜூனியர் , எரிக் ஆகியோர் சிறுத்தையை வேட்டையாடியதும் , 2015 ஆம் ஆண்டு அ

எக்சேஞ்ச் ஆஃபரில் செக்ஸ் ! வால்மார்ட்டோ அமேசானோ கூட இப்படி ஒரு ஆஃபரை அறிவிக்கவில்லை . அமெரிக்காவைச் சேர்ந்த கணித ஆசிரியர் டீனேஜ் பெண்ணை கனியவைக்க ஐபோன் தருகிறேன் என்று கூறி சிக்கியுள்ளார் . அமெரிக்காவின் லாங் ஐலேண்டைச் சேர்ந்த எழுபது வயது கணித ஆசிரியர் ஜெய்ரோ இன்ஸ்வாஸ்திதான் டீனேஜ் பெண்ணுக்கு ரூட் போட்ட ரோமியோ . சென்ட்ரல் ஐஸ்லிப் பள்ளியில் பணியாற்றும் ஜெய்ரோ தன் வகுப்பறையிலுள்ள இரு மாணவிகளை நைச்சியமாக அணுகி அவர்களின் நிர்வாண படங்களுக்கு பணமும் , செக்ஸூக்கு ஒத்துழைத்தால் ஐபோனும் தருவதாக ஆசைகாட்டியுள்ளது என்கொயரியில் தெரியவந்துள்ளது . மாணவி போலீசில் புகார் செய்ய , பள்ளி உடனே ஆசிரியர் ஜெய்ரோவை சஸ்பெண்ட் செய்துள்ளது . " ஜெய்ரோ மாணவிகளின் பிகினி போட்டோவுக்கு தலா 5 டாலர்களும் , நிர்வாண போட்டோக்களுக்கு 150 டாலர்களும் அளிப்பதாக பேரம் பேசியுள்ளார் " என பேட்டியளித்துள்ளார் காவல்துறை கமிஷனர் ஜெரால்டைன் ஹார்ட் . எழுபது வயதில் இவ்வளவு எனர்ஜியா ? ஆடிட்டர் திருடர் ! ஆடிட்டராக நடித்து இந்தியாவிலுள்ள பிரபல ஜவுளி நிறுவனங்களில் பணத்தை கொள்ளையடித்து வந்த அமேசி

 இந்து உணவுகள்  ரிடர்ன் !   துபாயைச் சேர்ந்த எமிரேட்ஸ் ஏர்லைன்ஸ் இந்து உணவுகளை மீண்டும் தன் பயணிகளுக்கு வழங்கத் தொடங்கியுள்ளது . " வாடிக்கையாளர்களின் எதிர்வினைகளை ஆராய்ந்து இந்து உணவுகளை மீண்டும் கஸ்டமர்களுக்கு வழங்க முடிவு செய்துள்ளோம் " என எமிரேட்ஸ் இந்தியா நிறுவனம் தன் அறிக்கையில் தெரிவித்துள்ளது . இந்தியாவிலுள்ள பல்வேறு மதத்தைச் சேர்ந்தவர்களுக்கும் சைவ உணவு , ஜெயின் உணவு , கோசர் உணவு , மாட்டிறைச்சி இல்லாத அசைவ உணவு என மெனு ஆப்ஷன்களை எமிரேட்ஸ் உருவாக்கி பரிமாறி வருகிறது .  முன்பு இந்து மீல்ஸ் ஆப்ஷன்களை நிறுத்தி வைத்த எமிரேட்ஸ் , குவிந்த வாடிக்கையாளர்களின் புகார்களால் தற்போது யூடர்ன் அடித்து இந்து உணவுகளை மீண்டும் வழங்கத்தொடங்கியுள்ளது . வெளிநாட்டு சேவைகளை வழங்கும் பன்னாட்டு விமானநிறுவனமான எமிரேட்ஸ் இந்தியா ,  சென்னை , ஹைதராபாத் , கொச்சி , கொல்கத்தா , டெல்லி , மும்பை , திருவனந்தபுரம் ஆகிய இடங்களை கவர் செய்து இயங்கி வருகிறது .

உலகம் புகழும் பதினேழு வயது அகழ்வாராய்ச்சியாளர் ! பதினான்கு வயதில் அலகாபாத்தைச் சேர்ந்த அரிஸ் அலி அமெரிக்கா , கனடாவில் கல்லூரிப்பாடங்களை படித்து பெற்ற மதிப்பெண் உலக வரலாற்றில் சாதனை ரெக்கார்ட் . யெஸ் ஐந்துக்கு நான்கு புள்ளிகள் . அதாவது 99 சதவிகிதம் . இப்படி டன் கணக்கில் ஐக்யூ நிறைந்த மாணவரை எஞ்சினியராகவோ , டாக்டராகவோ உருவாக்கி பாரின் அனுப்புவதுதானே இந்தியப் பெற்றோரின் புதிய கலாசாரம் . ஆனால் அந்த தவறை அரிஸ் அலியின் பெற்றோர் செய்யவில்லை . அதன் விளைவாக 17 வயதில் இந்தியா - எகிப்து தொடர்பான அகழ்வாராய்ச்சி அறிக்கையை பன்னாட்டு பல்கலைக்கழகங்களில் சமர்ப்பித்து இந்தியாவின் தொன்மை கலாசாரப் பெருமையை சிகரமேற்றி வருகிறார் அரிஸ் அலி . அண்மையில் எகிப்தின் சக்காராவிலுள்ள ஜோசரின் பிரமிடுக்கு சென்ற அரிஸ் அலிக்கு குறிப்பிட்ட நடுகல் பற்றிய தகவல்கள் மட்டுமே லட்சியம் . அது எங்கேயிருந்து பயணித்து இங்கு வந்தது என்ற வழியையும் பின்னணியையும் தேடும் சவாலும் இடர்களும் அரிஸ் அலியின் உற்சாகத்தை பல டிகிரி உயர்த்தியுள்ளது . " மௌரிய பேரரசரான அசோகர் (232-268), புத்த மதத்தை பரப்ப எகிப்துக்கு த

முத்தாரம் லைப்ரரி ! YOUR KID'S GONNA BE OKAY Building the Executive Function Skills Your Child Needs in the Age of Attention by Michael Delman உங்கள் குழந்தைகள் சலிப்புக்குள்ளானவர்களாக ரிமோட்டில் சேனல்களை மாற்றிக்கொண்டு போனில் சோஷியல்தளங்களை மேய்ந்துகொண்டு திரிகிறார்களா ? அவர்களுக்கு ஒவ்வொன்றைப் பற்றியும் திடமான கருத்துகள் உண்டு என அழுத்தமாக பேசுகிறார் ஆசிரியர் மைக்கேல் டெல்மன் . சிறுவர்களின் உளவியலை வருத்தாமல் அவர்களுக்கு பொறுப்பை புரியவைக்கும் சிறுதிட்டங்கள் , முயற்சிகள் அனைத்தும் சுவாரசியமாகவும் புதிதாகவும் இருப்பது சிறப்பு . DOING CAPITALISM IN THE INNOVATION ECONOMY by William H. Janeway 458pp Cambridge University Press முதலீட்டாளரான வில்லியம் ஹெச் ஜேன்வே தொழில்துறை கண்டுபிடிப்புகளுக்கு அரசு தரும் நிதி முயற்சிகளின் சாதக , பாதகங்களை இந்நூலில் அலசுகிறார் . பொருளாதாரத்தின் மூலமான கொள்கைகள் , அரசின் பங்கு , முதலீட்டாளர்களின் எதிர்பார்ப்பு என பல்வேறு விஷயங்களை புதுமையான கோணத்தில் விறுவிறுவென வாசிக்கும் வேகத்தில் ஆராய்ந்துள்ளார் ஆசிரிய

பிட்ஸ் ! ஹ்ஹா (Huh?) என்பது அனைத்து மொழிகளிலும் புரியும் மக்கள் புரிந்துகொள்ளும் வார்த்தைகளில் ஒன்று . இங்கிலாந்தில் கால்சென்டர் ஆட்களை எப்படி உச்சரிப்பது இவரின் பெயரை ? என கதிகலங்க வைத்த வாடிக்கையாளர் ஒருவரின் பெயர் Tim Pppppppppprice. பாலூட்டிகளில் உயர் ரத்த அழுத்தம் கொண்டது ஒட்டகச்சிவிங்கி . இதயத்துடிப்பு என்பது மனிதர்களைப் போலவே இருக்கும் . ஆஸ்திரேலியாவின் குயின்ஸ்லாந்தில் மேஜிக் நிகழ்ச்சிகளை நடத்துபவர்கள் , முயலை வளர்க்க சட்டப்பூர்வ தடையுண்டு . 4 என்ற எண் மட்டுமே தன் பொருளுக்கேற்ப எண்ணிக்கையிலான எழுத்துக்களை கொண்டுள்ளது . மாமியார் மீது ஏற்படும் மனரீதியான எரிச்சல் பிளஸ் பயத்துக்கு Pentheraphobia என்று பெயர் .  

ஏன் ? எதற்கு ? எப்படி ? -Mr. ரோனி அணு விமானங்களில் பயணிப்பது சாத்தியமாகுமா ? தியரியாக , அணு ஆற்றலில் இயங்கும் விமானங்கள் சாத்தியம் . பெட்ரோல் பிரச்னையின்றி கார்பனைப் பற்றி கவலைப்படாமல் மும்பை டூ சென்னை கூட பறக்கலாம் . விமானத்தில் அணு ஆற்றல் ரியாக்டரை எப்படி பொருத்தி இயக்குவது , மக்கள் அதன் அருகில் உட்காருவதை ஏற்பார்களா , கதிர்வீச்சை தாங்கும் அடர்த்தி கொண்ட கவசத்தை விமானத்திற்கு ஏற்படுத்த முடியுமா ? என்பது போன்ற எண்ணற்ற கேள்விகள் உள்ளன . அதேசமயம் கரிம எரிபொருட்களுக்கு மாற்றான சக்தி குறித்த இங்கிலாந்தின் ஆராய்ச்சிகள் தொடர்கின்றன . 2009 ஆம் ஆண்டில் கூட மான்செஸ்டர் பல்கலைக்கழகம் நீரை ஆவியாக்கி விமானத்தை இயக்கமுடியுமா என டெஸ்ட் செய்தது . எதிர்காலத்தில் நியூக்ளியர் விமானங்கள் வானில் பறக்க அதிக வாய்ப்புகள் உள்ளன .  

மடகாஸ்கர் தேர்தலுக்கு ரெடி ! மக்கள் போராட்டங்களால் ஏற்பட்டுவரும் அரசியல் சமநிலையின்மையைப் போக்க , இவ்வாண்டின் அக்டோபர் மாதம் மடகாஸ்கரில் தேர்தல் நடத்த மடகாஸ்கர் உயர்நீதிமன்றம் உத்தரவிட்டுள்ளது . கிழக்கு ஆப்பிரிக்க நாடான மடகாஸ்கரில்  ஏப் .15 லிருந்து 27 வரை அரசுக்கு எதிராக  தலைநகரான அன்டானநரிவோவில் மக்கள் போராட்டம் நடத்தியது உலகளவில் கவனிக்கப்பட்டது . இதற்கான தீர்வாக எதிர்க்கட்சிகளைச் சேர்ந்த உறுப்பினர்களைக் கொண்ட தற்காலிக அரசை உருவாக்கும்விதமாக நீதிமன்றம் ஆணையிட்டுள்ளது . புதிய தற்காலிக அரசு  ஜூன் 12 முதலாக ஆட்சிக்கு வரும் . உலக தொழிலாளர் சங்கத்தின் தலைவரான கிறிஸ்டியன் என்சே நாட்டின் அதிபராக தேர்தல் அறிவிப்பு வரை செயல்படுவார் என்றும் அமைச்சரவையில் எதிர்கட்சியைச் சேர்ந்த பத்துபேர் இடம்பெறுவார்கள் என்றும் அறிவிக்கப்பட்டுள்ளது . பல்வேறு ஊழல் கறைகளை கொண்ட முன்னாள் அதிபர்களான மார்க் ராவலோமனானா , ஆண்ட்ரி ரஜோலினா ஆகியோரை எதிர்த்து வெல்ல கிறிஸ்டியனுக்கு வாய்ப்புள்ளது .