பசுமை பேச்சாளர்கள் (2) -சர் ரிச்சர்ட் பிரான்ஸன் - ச.அன்பரசு
பசுமை பேச்சாளர்கள் (2)
-ச.அன்பரசு
சர் ரிச்சர்ட் பிரான்ஸன்
இங்கிலாந்தில் 1950 ஆண்டு
ஜூலை 18 அன்று பிளாக்ஹீத் நகரில் பிறந்த 400 நிறுவனங்களை கட்டியாளும் கோடீஸ்வரர் இவர். வர்ஜின் நிறுவனத்தின்
தலைவர் சார்தான். டிஸ்லெக்சியா குழந்தையான பிரான்ஸனுக்கு பால்யவயது
வேதனைகள் சுனாமியாய் தாக்கின. பள்ளிப்படிப்பில் சுமார் மூஞ்சி
குமார். இவன் வளர்ந்தால் ஒன்று ஜெயிலில் இருப்பான் இல்லையென்றால்
கோடீஸ்வரனாக மாறியிருப்பான் என அப்போதே பிரான்ஸனின் படித்த பள்ளியின் தலைமையாசிரியர்
சொன்னதில் இரண்டாவது நிஜமானதற்கு ஒரே காரணம் பிரான்ஸனின் அயராத கனவை நோக்கிய உழைப்பு.
முதலில் நடத்திய ஸ்டூடன்ட் மேகசின், அட்டகாச கட்டுரைகள், நேர்காணல் என அசத்தியதில் பத்திரிகை
செம ஹிட்தான். அடுத்து, பாடல் கேட்கும்
ரெக்கார்டுகளை வாங்கி கட்ட ரேட்டில் மற்றவர்களை விட டிஸ்கவுண்டில் விற்று அதிலும் புகழ்பெற்றார்.
வர்ஜின் ரெக்கார்ட்ஸ் நிறுவனம் பிறந்தது இப்படித்தான். இவரின் சொத்து மதிப்பு 5.2 பில்லியன். 2004 இல் தொடங்கிய வர்ஜின் யுனைட் என்ஜிஓ மூலம் சூழல் காப்பதற்கான ஏராள முயற்சிகளை
முன்னெடுக்கிறார்.
தோல்விகளுக்கு பயப்படாதீர்கள், தோல்விகளிலிருந்து கற்றுக்கொண்டு புதிதாக தொடங்குங்கள் என டன் கணக்கில் தன்னம்பிக்கை
சொன்ன பிராஸ்னன், 1999 ஆம் ஆண்டு ICMEC என்ற தொலைந்துபோகும் குழந்தைகளையும், குழந்தைதொழிலாளர்களையும்
மீட்கும் அமைப்பைத் தன் தாய் ஈவாவுடன் இணைந்து தொடங்கினார். 2009 ஆம் ஆண்டு தொடங்கிய கார்பன்வார் ரூம் என்ற திட்டத்தின் வழியாக கப்பல்,
விமானம், எரிபொருள் உள்ளிட்டவற்றில் மாற்று ஐடியாக்களை
வரவேற்றார். இதோடு இங்கிலாந்திலும், தென்
ஆப்பிரிக்காவிலும் பல்வேறு புதிய அறிவியல் கண்டுபிடிப்புகள் மற்றும் ஸ்டார்ட் அப்களுக்கு
நிதியுதவியும் வழங்குகிறார்.
அணுஆயுதங்களை கைவிடச்செய்யும் முயற்சியாக குளோபல்
ஜீரோ என்ற திட்டத்தை முன்னெடுத்த நன்னெறி மனிதர் பிரான்ஸன். ஆப்பிரிக்க கானுயிர்களை வேட்டையாடப்படுவதையும், கடத்தப்படுவதையும்
எதிர்த்து பிரசாரம் செய்த பிரான்ஸன், குற்றங்களுக்கு வழங்கப்படும்
மரணதண்டனையையும் எதிர்க்கும் மாறுபட்ட புதியபாதை சிந்தனைக்காரர். நல்ல வணிகம் எப்படி உலகில் பாசிட்டிவ் சிந்தனைகளை கொண்டு வருகிறது என்பது போன்ற
எனர்ஜி உரைகளுக்கு சொந்தக்காரர்
நன்றி: முத்தாரம் வார இதழ்
