மஸ்டோடன் என்ற விலங்கு பற்றி அறிந்திருக்கிறீர்களா?

 அறிவியல் கேள்வி பதில்கள்
மிஸ்டர் ரோனி

டைனோசர்களின் வாழ்நாள் பற்றி கூறுங்களேன்.

டைனோசர்கள் குறைந்தது எழுபத்தைந்து தொடங்கி முந்நூறு ஆண்டுகள் வரை வாழும். நீண்ட ஆயுள் காலம் என்பதால் அதன் முதிர்ச்சி பெறும் நிலையும் மிக மெதுவாக நடைபெறும்.

மஸ்டோடன் என்ற விலங்கு பற்றி அறிந்திருக்கிறீர்களா?

ஆப்பிரிக்கா, ஐரோப்பா, ஆசியா, வட, தென் அமெரிக்காவில் வாழ்ந்த விலங்கு. மூன்று மீட்டர் நீள உயரத்தில் கம்பளி போன்ற அடர்த்தியான முடிகளைக் கொண்டது. முப்பத்து எட்டு மில்லியன் ஆண்டுகளுக்கு முன்னர் தோன்றியது. ஒரு மில்லியன் ஆண்டுகள் வரை உயிர் பிழைத்திருந்தது. இதற்கு நேராக வளர்ந்த தந்தங்களும் உண்டு.

டைனோசர்கள் அழிந்துபோனதற்கு காரணம் என்ன?

அவை அழிந்து அறுபத்தைந்து மில்லியன் ஆண்டுகள் ஆகின்றன. காலநிலை மாற்றம், பிற உயிரினங்களோடு போட்டியிட முடியாத நிலை, முட்டைகளை பிற உயிரினங்கள் அழித்தது, இயற்கை பேரிடர் என நிறைய காரணங்கள் உள்ளன. இவை எல்லாமே ஊகங்கள்தான். எவையும் உறுதியானவை அல்ல.

அழிவின் விளிம்பில் , அச்சுறுத்தல் நிலையில் என்று கூறப்படுவதற்கு என்ன பொருள்?

அழிவின் விளிம்பில் உள்ளதை கவனிக்கவேண்டும். அந்த பட்டியலில் உள்ளதை கவனிக்காவிட்டால் உயிரினங்கள் முழுக்க பூமியில் இருந்து விடைபெற்றுவிடும். அச்சுறுத்தல் நிலையில் என்பது, உயிரினங்களின் வாழ்க்கை பாதிப்பு உள்ளது. அதை தேவையான நடவடிக்கை எடுத்து காக்கவேண்டும் என புரிந்துகொள்ளலாம்.

செல்களைப் பற்றி முக்கிய கண்டுபிடிப்புகளை செய்த ஆராய்ச்சியாளர்கள் யார்?

1600ஆம் ஆண்டு, ராபர்ட் ஹூக்ஸ் என்பவர், செல்களை முதன்முதலாக அடையாளம் கண்டார். 1824ஆம் ஆண்டு, ஹென்றி டுட்ரோசெட் என்பவர் தாவரம், விலங்கு ஆகியவற்றின் செல் அமைப்பு ஒற்றுமையை கண்டுபிடித்தார். இவருக்கு அடுத்து ராபர்ட் ப்ரௌன் 1831ஆம் ஆண்டு, செல் உட்கருவைக் கண்டுபிடித்தார்.

மனிதர்களின் உடலில் எவ்வளவு செல்கள் இருக்கும்?
நூறு ட்ரில்லியன் செல்கள் உள்ளன.

ஆய்வகத்தில் தனிமைப்படுத்தப்பட்ட வைரஸ் எது?

1935ஆம் ஆண்டு, ராக்ஃபெல்லர் இன்ஸ்டிடியூட்டில் ஆராய்ச்சியாளர் வெண்டெல் ஸ்டான்லி புகையிலையில் உள்ள மொசைக் வைரஸை எடுத்து சுத்திகரித்து வைத்தார்.

நுண்ணுயிரியலின் தந்தை யார்?

ஆன்டன் வான் லியூவென்ஹோக். இவர். டச்சு நாட்டு துணி வணிகர். குளத்து நீரை லென்ஸ் வழியாக பார்த்து பாக்டீரியாவை முதன்முதலாக கண்டுபிடித்தார். கண்டுபிடித்த ஆண்டு 1674.

பாக்டீரியாவை வெறும் கண்ணில் பார்க்க முடியுமா?

இபுலோபிசியம் ஃபிஷ்எல்சோனி என்ற பாக்டீரியா, ப்ரௌன் சர்ஜன் என்ற மீன் வயிற்றில் வாழ்கிறது. இதை ஆராய்ச்சியாளர்கள், வெறும் கண்ணிலேயே பார்த்தனர். ஆண்டு, 1985.