வைரத்திற்கு அடுத்தபடியாக உள்ள கடினமான பொருள்!

 
அறிவியல் கேள்வி பதில்கள்
மிஸ்டர் ரோனி

மோகா அளவுகோல் எதற்கு பயன்படுகிறது?

கனிமங்களை அவற்றின் கடினத்தன்மை அடிப்படையில் வகைப்படுத்த மோகா அளவுகோல் உதவுகிறது. 1812ஆம் ஆண்டு, ஜெர்மன் நாட்டைச் சேர்ந்த கனிமவியலாளர் பிரடரிச் மோஹ்ஸ் மோகா அளவுகோலை கண்டுபிடித்தார். மென்மையான கனிமங்கள் தொடங்கி கடினமானவை வரை வரிசைப்படுத்தப்பட்டுள்ளன.

கனிமங்களை நிறங்கள் அடிப்படையில்  தரவரிசைப்படுத்தியது யார்?

இதைச்செய்ததும் கூட ஜெர்மன் நாட்டைச் சேர்ந்தவர்தான். ஆபிரகாம் காட்லோப் வெர்னர் என்பவர், நிறங்கள் அடிப்படையில் கனிமங்களை தரம் பிரித்து அவற்றை படங்களாக வரைந்து விளக்கியவர் இவரே.

வைரத்திற்கு அடுத்து கடினமான பொருள் என எதைக் கூறலாம்?

போரோன் நைட்ரைட் என்ற பொருளைக் கூறலாம். இது கடினமான செராமிக். வைரத்திற்கு அடுத்த நிலையில் இப்பொருள் இடம்பிடிக்கிறது.

ஸ்ட்ராடெஜிக் மினரல்ஸ் என்றால் என்ன?
ஒரு நாட்டின் பாதுகாப்பு தொழில்துறைக்கு அவசியம் தேவைப்படும் கனிமங்களை ஸ்ட்ராடெஜிக் மினரல்ஸ் என்று குறிப்பிடுவார்கள். தோராயமாக எண்பது கனிமங்களை ஒரு நாடு எப்போதுமே குறைவற வாங்கி சேமித்து வைத்திருக்கும். உதாரணமாக குரோமியம், பல்லாடியம், இரிடியம், டான்டலம் ஆகியவை.

நல்ல வைரத்தை எப்படி கண்டுபிடிப்பது?

சிறந்த வல்லுநர், வைரத்தின் கட்டுமானம், நிறம், கடினத்தன்மை, ஒளி பிரதிபலிப்பு ஆகியவற்றைக் கொண்டே வைரத்தின் தரம் பற்றி கூறிவிட முடியும். வெப்பம் குளிர்ச்சியை பிரதிபலிக்கும் தன்மை வைரத்திற்கு உண்டு. இதை அறிய வைரக்கல்லை எடுத்து உதட்டில் வைத்து பார்த்து புரிந்துகொள்ளலாம். ஒரு சொட்டு நீரை விட்டு அதன் அருகில் வைரத்தை வைத்தால், அந்த நீர் மேசையில் பரவாமல் வைரம் காந்தம் போல் செயல்பட்டு தடுக்கும். நவீன கருவிகள் இல்லாமல் வைரத்தை சோதனை செய்யும் முறைகள் இவை. இவையன்றி நவீனமான ஆய்வகங்கள், வைரத்தை சோதிக்க வந்துவிட்டன.