உண்மைக் காதலை பெண்ணின் உடலில் தேடும் விந்து முந்துதல் பிரச்னை கொண்ட இளைஞன்! - ஹே பிரபு - 2 தமிழ்

 

 

 

 

 

 

ஹே பிரபு

இந்தியில் எடுக்கப்பட்ட வெப் சீரிஸ்தான். முதல் பாகத்தைப் பற்றி முன்னமே எழுதியிருக்கிறோம். அதிக நாட்கள் இடைவெளிக்குப் பிறகு அடுத்த சீசன் வந்திருக்கிறது. அதிக நாட்கள் இடைவெளி இருந்தாலும் அதனை சரிக்கட்டும்படி நிறைய 18 பிளஸ் ஐட்டங்களை சேர்த்திருக்கிறார்கள்.

தொடரின் அட்டகாச அம்சம். மிக இயல்பான தமிழ் கெட்டவார்த்தை வசனங்கள்தான். இதனை இங்கு எக்சாம்பிள் காட்டினால் சரியாக இருக்காது. எம்எக்ஸ் பிளேயரில் பார்த்துவிடுங்கள்.

இந்த சீரிசில் தருண் பிரபுக்கு முக்கியமான பிரச்னைகள், காதல், செக்ஸ், குடும்ப பொறுப்பு, அவனது ட்விட்டர் எதிரி சார்மினாருடன் மோதல் என கலந்துகட்டிய அனுபவம் உள்ளது. கூடுதலாக காமெடிக்கென அவனது நண்பன் சிக்கா அறிமுகமாகிறான். சிக்கா, ஷாயாலி எனும் ஆடு, அவனது பீம்பாய் வேலையாள் என கலகலப்பு சிலசமயம் கதையோடும், பெரும்பாலான சமயம் தனியாகவும் பயணிக்கிறது. யூட்யூபில் சூர மொக்ககை வீடியோக்களை தயாரிப்பதுதான் சிக்காவின் முழுநேர, பகுதிநேர, ஏன் ஹாபி கூட. இதனால் அவருக்கு ஏற்படும் காமெடி அனுபவங்கள்தான் காமெடி.

18 பிளஸ் வெப்சீரிஸ் என்பதால் தமிழ் வசனங்களில் ஏடாகூடம் தூக்ககலாக உள்ளது. ஆனால் கதைக்கு பொருத்தமாக ரசிக்கும்படி உள்ளது. காட்சி ரீதியாகவே தருண் கர மைதுனம் செய்வது, சிக்காவின் பரிசாக பிடிஎஸ்எம் காதலி, கோவாவில் டூபீஸ் என பின்னி எடுத்திருக்கிறார்கள். 

 

இரண்டாவது சீசனில் முக்கியமான பலவீனம், குடும்ப விஷயங்களை தருணின் அப்பா கோவாவில் பேசும் காட்சி. இது அந்த இடத்தில் சரியாக பொருந்தவில்லை. ஏதோ அவல நகைச்சுவை காட்சி போலவே தெரிகிறது. இதற்கு கேமரா கோணங்களும் காரணமாக இருக்கலாம்.

 

 

இந்த இன்னிங்சில் அதிக ஸ்கோர் செய்வது தருண், ஆருணிமா, தருணின் அம்மா சாந்தி, சிக்கா அண்ட்கோ தான். இந்தியில் எடுத்த வெப் சீரிசை தமிழில் வசனங்கள் மூலமே செம பிக்கப் ஏற்றியிருக்கிறார்கள். ஜாலியாக பார்க்கலாம்.

அடுத்த பாகத்தில் பியா தருண் மூலம் கர்ப்பமானது அவனது குடும்பத்திற்கு தெரிந்துவிட்டது. குறிப்பாக அவனை நேசித்து சந்தோஷமாக செக்ஸ் வைத்துக்கொண்ட ஆருணிமாவுக்கும் இந்த சமாச்சாரம் தெரிந்துவிட்டது. சொந்த தம்பி போல தருணை காப்பாற்றி வந்த ஆரம்ப், தன் தங்கச்சிக்கே டோக்கன் போட்டதால் கனல் கண்ணனாகி விட்டார். இனி தருணின் கர்மா என்னவாக இருக்கும் என்பதுதான் அடுத்த பாகம். முக்கியமாக, தருணுக்கு முன்னர் இருந்த ட்விட்டர் ஹே்ண்ட்லிங் வேலையும் துரோகி நண்பன் சார்மினார் காரணமாக போயே போச்சு. இந்த நிலையில் அவனுடைய நிலைமை ......

காடன் படம் தியேட்டரில் நூறுநாள் ஓடுமோ இல்லையோ எம்எக்ஸ் பிளேயரை எப்போது பிளே செய்தாலும் ஓடுகிறது. முடியலடா சாமி…...

பொறுப்புள்ள பையன்தானா பிரபு?

கோமாளிமேடை டீம்

நன்றி

எம்எக்ஸ் பிளேயர்