கல்வியால் பெண்களை முன்னேற்றுவதே லட்சியம் - சுதா வர்க்கீஸ்
தீண்டப்படாத சாதி பெண்களை முன்னேற்றும் கல்வி!
கேரளத்தில் வசதியான குடும்பத்தைச் சேர்ந்தவர் சுதா. பள்ளிமாணவியாக இருந்த போது சுதா, நாளிதழ் ஒன்றில் வெளியான புகைப்படத்தைப் பார்த்தார். பீகாரின் சாலையோரத்தில் உள்ள குடிசையின் புகைப்படம் அது. ஏழை மக்களின் குடியிருப்பு என பார்க்கும் யாரும் புரிந்துகொள்ளலாம்.
அந்த நொடியில் பள்ளி மாணவியான சுதா தீர்மானித்தார். நான் ஏழை மக்களின் நிலையை மாற்றுவேன் என உறுதியெடுத்துக்கொண்டார். பெற்றோர் ஏற்காதபோதும், சமூகசேவையைச் செய்ய கன்னியாஸ்த்ரீ வாழ்க்கையை ஏற்றார். பிறகு, இப்பணியில் திருப்தி இல்லாமல், தனது பணியை விட்டுவிலகினார். நேராக பீகாருக்குச் சென்றார். சிறுவயதில், அவர் புகைப்படத்தில் பார்த்த குடிசை, முசாகர் (Musahar)எனும் மக்களுக்குச் சொந்தமானது.
தீண்டத்தகாதவர்களாக நடத்தப்பட்ட, முசாகர் மக்களின் குழந்தைகளுக்கு கல்வியறிவும் கிடைக்கவில்லை. இச்சமுதாய பெண்கள் மற்றும் குழந்தைகளுக்காகவே, 2005ஆம் ஆண்டு ‘பிரேர்னா ’(Prerna)என்ற பெயரில் தானே பள்ளியைத் தொடங்கினார்.
சுதாவின் கல்வி உதவிகளால், 5 ஆயிரம் பெண் குழந்தைகள் படித்து பட்டம் பெற்றுள்ளனர். பீகாரில் முசாகர் இனப் பெண்கள், தாம் பெற்ற கல்வியறிவால் தன்னம்பிக்கையுடன் வாழத்தொடங்கியுள்ளனர். 2006ஆம் ஆண்டு சுதா வர்க்கீஸின் கல்விச்சேவைக்காக பத்ம ஸ்ரீ விருதை இந்திய அரசு வழங்கி கௌரவித்துள்ளது.
https://www.gatesnotes.com/Development/Heroes-in-the-Field-Sudha-Varghese
Sudha Varghese
நன்றி
தினமலர் பட்டம்
கருத்துகள்
கருத்துரையிடுக