பயணம் செய்பவர்களுக்கான ஆப்ஸ்கள்!

 

polar grit x

coros vertix 2

பீக் ஃபைண்டர் 

இந்த ஆப் மூலம் உயரமான மலைச்சிகரங்களை அடையாளம் காணலாம். ஏராளமான மலைகள் இருப்பதால், உங்களுக்கு எது தேவையோ அதை தேர்ந்தெடுத்து ஏறலாம். மலைகளை 360 டிகிரியில் பார்க்க முடியும். இதனை ஆஃப்லைனிலும் பயன்படுத்த முடியும். கட்டண சேவை தான். 

ஸ்லோவேய்ஸ் 

இங்கிலாந்து மக்கள் பயன்படுத்த இலவச ஆப் இது. லாக்டௌனில் தொடங்கிய ஆப் இது. இலவசம்தான். இங்கிலாந்தின் 7 ஆயிரம் வழித்தடங்களை  ஒரு லட்சம் கி.மீ. தொலைவுக்கு கொடுத்திருக்கிறார்கள். இதனால் கதவைத் திறந்து சாலைகளைப் பார்த்ததும் மிரளாமல் பயணம் செய்யலாம். 

கோமூட்

பயணிப்பதற்கான வழித்தடங்களை உருவாக்கும் ஆப் இது. வழித்தடம், ட்ராக்கர், சமூக வலைத்தளம் என பல்வேறு வசதிகளைக் கொண்ட ஆப் இது. நகர தெருக்கள் தொடங்கி மலைகள், சிகரங்கள், பார்க்க வேண்டிய இடங்கள், எங்கே தூங்குவது, குடிநீர் கிடைக்கும் இடம் என பல்வேறு விஷயங்களை ஆப் தருகிறது. 

இத்தனைக்கும் சேவை இலவசம்தான். பயணம் தொடர்பான அனைத்து விஷயங்களும் கோமூட் ஆப்பிலேயே கிடைத்துவிடும். 

கோரோஸ் வெர்டிக்ஸ் 2

சாகச பயணத்திற்கு ஏற்ற ஜிபிஎஸ் வாட்ச் இது. 140 மணி நேரம் ஜிபிஎஸ் வசதியைப் பயன்படுத்த முடிகிறது. வாட்சின் எடை 91 கிராம் தான். அல்டிமீட்டர், பாரோமீட்டர், காம்பஸ் என நிறைய விஷயங்கள் உள்ளே உள்ளன. இசையை சேமிக்க 32 ஜிபி நினைவகம் உள்ளது. 

போலார் கிரிட் எக்ஸ் புரோ

கிரிட் எக்ஸ் வாட்சிற்கு பிறகு சந்தைக்கு வந்துள்ள வாட்ச் இது. கோமூட் ஆப்பின் உதவியுடன் சாகச பயணத்திற்கான வழியைக் காட்டுகிறது. 40 மணி நேர தாங்கும் பேட்டரி நம்பிக்கை தருகிறது. குறைந்த திறனுடன் இயங்கினால் 100 மணிநேரம் தாங்குகிறது. ஆரோக்கியம் காக்கவும்  சாகச பயணத்திற்கும் உதவுகிறது.