சங்க நூல்களுக்கான அட்டைப்பட உருவாக்கம்

மின் நூல்களுக்கான அட்டைப்படங்களை தனியாகவே செய்திருக்கிறேன். ஆனால் இம்முறை கொஞ்சம் வித்தியாசமாக அச்செயல்முறை நடந்தது. தாம்பரத்தில் கணியம் பவுண்டேஷன் நிறுவனர் த.சீனிவாசன் அவர்களின் இல்லத்தில் புத்தக அட்டைகளை உருவாக்கினோம். அன்று முழுவதும் உணவு, தேநீர் என உபசரித்த சீனிவாசன் அவர்களுக்கு நன்றி!

(இடமிருந்து வலமாக )அன்வர், லோகநாதன், சீனிவாசன், அன்பரசு

சங்க நூல்களுக்கான அட்டைப்பட உருவாக்கத்தை அன்று செய்தோம். நாலடியாரை சீனிவாசன் எடுத்துக்கொள்ள, அன்வர் தொல்காப்பியத்திற்குள் நுழைந்தார். எனக்கு வழங்கப்பட்டது சிலப்பதிகாரம். 

இதில் எனக்கு தடுமாற்றம் ஏற்பட்டது, ஜிம்ப் சாப்ட்வேரைக் கையாள்வதிலும், அட்டைப்படத்தை எந்த அளவில் சேமிப்பது என்பதிலும்தான். 

புதிதாக வாங்கிய ஜியோமி மி டிவியில் அனைத்தையும் விளக்கிய சீனிவாசன், நாங்கள் கேட்ட அத்தனை சந்தேகங்களையும் சொல்லியபடியே அட்டைப்படத்தையும் வேகமாக முடித்துக்கொண்டிருந்தார். 

அட்டைப்படங்களை வேகமாக முடித்து வேங்கையாக பாய்ந்தது அன்வர்தான். சீனி, தலைவர் என்பதால் அவரின் பணி வேலையைச் சொல்வதுதான். எனவே அவரை ஒதுக்கி விடலாம். விக்சனரி லோகநாதன், இங்க்ஸ்கேப்பில் உலவுபவர். ஜிம்பில் சற்றே தடுமாறினாலும் அதனை ஓரளவு கற்றுக்கொண்டார். 

சிலப்பதிகாரத்தோடு போராடி எனக்கு கொடுக்கப்பட்ட அட்டைப்பட பணியை நான் முடித்துவிட்டது ஞாயிற்றுக்கிழமைக்கான நிறைவு. வீக் எண்ட சந்தோஷமாக அனைவரும் ஜிகே வெஜ் ரெஸ்டாரெண்டில் காபி குடித்தோம். ஜிம்ப், கிட்அப் ஆகிய விஷயங்களைத் தெரிந்துகொள்ள உதவிய கணியம் நிறுவனர் சீனிவாசன் அவர்களுக்கு மீண்டும் நன்றி. 

-ச.அன்பரசு