ஹெட்போனில் வெளிப்புற இரைச்சல் குறைக்கப்படுவது எப்படி?

 

இன்று உலகச் சந்தையில் விற்கப்படும் அனைத்து ஹெட்போன்களிலும் வெளிப்புற இரைச்சலைக் குறைக்கும் வசதிகள் இணைக்கப்பட்டுள்ளன. வெளிப்புற இரைச்சலை காதில் அணியும் ஹெட்போன் மூலம் எப்படி கட்டுப்படுத்துவது? இதற்கு  தயாரிப்பு நிறுவனங்கள் சிறப்பு சாதனங்களைப் பயன்படுத்துகின்றன. ஹெட்போனில் இணைக்கப்பட்டுள்ள சிறிய மைக்ரோபோன் , வெளிப்புற இரைச்சலின் அளவை கணக்கிட்டு, அதனை மைக்ரோபுரோசசருக்கு அனுப்புகிறது. இரைச்சலின் அளவு அளவிடப்பட்டு அதற்கு ஏற்ப ஒலி அலைகளை மைக்ரோபுரோசசர் உருவாக்குகிறது. ஒருவர் பாடல் கேட்கும்போது, வெளிப்புற இரைச்சல் அளவுக்கு நிகரான ஒலி அலைகள் காதில் ஸ்பீக்கர் மூலம் உருவாக்கப்படுகின்றன. இதனால் பாடல் கேட்பவருக்கு வெளிப்புற இரைச்சல் இடையூறு செய்யாது.  

ஸ்பீக்கர் (speaker)

புதிதாக உருவாக்கப்பட்ட ஒலி அலைகளை காதில் ஒலிபரப்புகிறது. 

சுற்றுப்புற ஒலி (ambient sound waves)

ஒலி அலையின் உயரம், அதன் ஒலி அளவைக் குறிக்கிறது. அலைநீளம் சுருதியை தீர்மானிக்கிறது. 

புதிய ஒலி அலை (New sound waves)

வெளிப்புற இரைச்சலுக்கு பொருத்தமாக ஒலி அலைகள் உருவாக்கப்பட்டு தலைகீழ் வடிவில் ஒலிபரப்பப்படுகின்றன

 இரைச்சலைக் கட்டுப்படுத்தும் அமைப்பு (Noise cancelling circuitry)

இப்பகுதி இரைச்சலை அளவிட்டு அதற்கேற்ப புதிய ஒலி அலைகளை உருவாக்கி அதைத் தடுக்கிறது.  

ஒலிக்கு தடை (Cancelling sound)

180 டிகிரி அளவில் உருவாக்கி ஒலிபரப்படும் ஒலி அலைகளால் வெளிப்புற இரைச்சல் கட்டுப்படுத்தப்படுகிறது.  

மைக்ரோபோன் (Micro phone)

காதருகில் பொருத்தப்பட்டுள்ள மைக்ரோபோன் வெளிப்புற இரைச்சலை அளவிடுகிறது.