இயற்பியலை மாற்றிய ஃபெய்மன் வரைபடம்!

 

இயற்பியலை மாற்றிய ஃபெய்மன் வரைபடம்!

இயற்பியலில் அணுத்துகள்களைக் கணக்கிடுவதில் 1940 ஆம் ஆண்டு ஒரு புரட்சிகர மாற்றம் நடந்தது.  ஆம் ஆண்டில்தான் இயற்பியலாளர் ரிச்சர்ட் ஃபெய்மன், அணுத்துகள்களைக் கணக்கிடுவதற்கான வழியைக் கண்டுபிடித்தார். 

இருபதாம் நூற்றாண்டில் புகழ்பெற்ற ரிச்சர்ட் ஃபெய்மனை நாம் நினைத்துப் பார்ப்பதற்கான காரணமும் அதுதான். அமெரிக்காவில் மன்ஹாட்டன் ப்ராஜெக்டில்  அணுகுண்டை மேம்படுத்துவதற்கான குழுவில் ஃபெய்மன் பணியாற்றி வந்தார்.  இக்குழுத்தலைவராக இயங்கிய ஹான்ஸ் பெதே(Hans bethe) வுக்கு 1967 ஆம் ஆண்டு  இயற்பியலுக்கான நோபல் பரிசு வழங்கப்பட்டது. அப்போது ஹான்ஸ் சொன்ன வாக்கியம் மறக்க முடியாதது. உலகில் இருவகை அறிவாளிகள் உண்டு. ஒருவர் கடினமான உழைத்து பெரிய காரியங்களைச் சாதிப்பார்கள். சிலர் மாந்த்ரீகர்கள் போல செயல்பட்டு எப்படி சாதித்தார்கள் என வியக்க வைப்பார்கள். இரண்டாவது வகையைச் சேர்ந்தவர், ஃபெய்மன் என்று கூறினார். 

மிகச்சிறந்த அறிவாளி, கோமாளித்தனமும் புத்திசாலித்தனமும் நிறைந்தவர் என அறிவியல் வட்டாரங்களும், நண்பர்களும் புகழும் ஆளுமை. 1962 ஆம் ஆண்டு கல்லூரி மாணவர்களுக்கு இயற்பியல் பற்றி இவர் ஆற்றிய உரை, இன்றும் நினைவுகூரப்பட்டு பாராட்டப்பட்டு வருகிறது. 1940 ஆம் ஆண்டு மின்தூண்டல் பெற்ற துகள்களைப் பற்றி கூறிய குவாண்டம் தியரியை மாற்ற, திருத்தி எழுத  ஃபெய்மன் முயன்றார். இவர் உருவாக்கிய வரைபட முறையின் காரணமாக க்வாண்டம் எலக்ட்ரோடைனமிக்ஸ் என்ற தியரியும் உருவானது. இத்தியரியை உருவாக்க ஃபெய்மன், டைசன், ஜூலியன் ஸ்விங்கர், சின் இடிரோ டொமோநாகா ஆகியோர் உழைத்தனர். ஆல்பர்ட் ஐன்ஸ்டீன் விருது(1954), நோபல் பரிசு (1965) பெற்ற ஃபெய்மன் இயற்பியலின் முகத்தை மாற்றியமைத்தவர். 

நன்றி: https://www.quantamagazine.org/how-feynman-diagrams-revolutionized-physics-20190514/?utm_source=Quanta+Magazine&utm_campaign=41fbd2dd31-RSS_Daily_Physics&utm_medium=email&utm_term=0_f0cb61321c-41fbd2dd31-390067709&mc_cid=41fbd2dd31&mc_eid=bb206e334b