மொழி மீட்பு வலைதளம்!

மொழியை மீட்கும் வலைதளம்!

பிலிப்பைன்ஸிலுள்ள 170 மொழிகளில் ஒன்றான Chabacano மொழி, தென்பகுதி நகரான ஜம்போங்காவில் சரளமாக பேசப்பட்டு வருகிறது. இம்மொழியை பிரபலப்படுத்த Bien Chabacano என்ற வலைதளம் தொடங்கப்பட்டுள்ளது. இதனை கல்வியாளர்களும் மொழியியல் ஆய்வு மாணவர்களும் பயன்படுத்திக்கொள்ளலாம்.

 “நாங்கள் உருவாக்கியுள்ள வலைதளம் மூலம் சபாகனோ மொழியின் வரலாறு, இலக்கணம் ஆகியவற்றை இளம் தலைமுறையினர் தெரிந்துகொள்ள உதவும்” என்கிறார் வலைதள நிறுவனரான ஜெரோம் ஹெரிரா. இதில் சபாகனோ மொழி பாடல்களும், சிறுகதைகளும் பதிவிடப்பட்டுள்ளதோடு மொழியை எளிதில் பழகுவதற்கான சிறுசிறு வார்த்தைகளும் உள்ளன.  

தற்போது பிலிப்பைன்ஸில் 6 லட்சம் சபாகனோ மொழியை பேசும் மக்கள் வாழ்ந்து வருகின்றனர். பிலிப்பைன்ஸ் மூன்று நூற்றாண்டுகளாக ஸ்பெயின் நாட்டின் காலனிநாடாக(1595-1898) இருந்தது.