நடுவராவதற்கு கடுமையான முன்தயாரிப்புகள் அவசியம்!

நேர்காணல்

ஆஸ்திரேலிய நடுவர் சைமன் டஃபல், தற்போது ஓய்வு பெற்றுள்ளார். பணிக்காலத்தில் பிறருக்கு எடுத்துக்காட்டாக பணியாற்றியவர் இவர். தற்போது அதிகாரிகளுக்கான ஆளுமைப்பயிற்சிகளை அளித்து வருகிறார். அவரிடம் கிரிக்கெட் பற்றிப் பேசினோம்.

விராட் கோலி, தோனி இருவரின் ஸ்டைல் மற்றும் பிளஸ் மைனஸ்களை சொல்லுங்கள். 

விராட் கோலி ஆஸ்திரேலியா அணியை டெஸ்ட் போட்டிகளில் 71 ஆண்டுகளுக்கு பிறகு வென்றபிறகு அளித்த பேட்டியைப் பார்த்தேன். என்னால் அந்த நிகழ்வை மறக்கவே முடியாது. மிகவும் கவனமாக அணியை ஒருங்கிணைத்து வெற்றியைப் பெற்றுத்தந்தவர். அணியின் முன்னாள் அணித்தலைவரான தோனி மீது பெரும் மரியாதை கொண்டவர் விராட். இன்றைய நவீன தலைமுறைக்கான புதுமையான வழிமுறையைக் கொண்டது கோலியினுடையது. ஆனால் தோனியினுடையது, நிதானமாக ஒருங்கிணைப்பட்டதாக இருக்கும்.

நீங்கள் பணிக்காலத்தில் ஐசிசி அளிக்கும் ஆண்டின் சிறந்த நடுவர்  விருதை ஐந்து முறை பெற்றிருக்கிறீர்கள். எப்படி சாத்தியமானது?

தொண்ணூறுகளில் நான் நடுவராக பணியாற்றத் தொடங்கினேன். அப்போது விளையாட்டுத்துறை மீது கவனம் குவியத் தொடங்கியது. இத்துறையில் கிடைக்கும் பணம், புகழுக்காக பலரும் கிரிக்கெட்டைக் கவனிக்கத் தொடங்கினர். நான் பல்வேறு உணவு நிபுணர்கள், விளையாட்டு வல்லுநர்களின் ஆலோசனைகளைப் பெற்றேன். என்னை தயாரித்துக்கொண்டேன். பல்வேறு ஆஸ்திரேலியா கிரிக்கெட் சங்கங்களுடன் எனக்கு இருந்த தொடர்புகளை வளர்த்துக்கொண்டேன். என் எல்லைகளை நானே உடைத்து எறிந்து முன்னேற வேண்டியிருந்தது. நான் என் நூலில் நான் நடுவராவதற்கு செய்த முயற்சிகளை எழுதியுள்ளேன். இது எனக்கு மட்டுமல்ல எத்துறை சார்ந்தவருக்கும் பொருந்தும். இன்று உலகில் எந்த துறையிலும் வெல்ல முன் தயாரிப்பு உதவும். நான் கூறுவது ஒலிம்பிக்கிற்கு தயாராவதைப் போலத்தான். தயாரிப்பு இல்லையென்றால் போட்டியில் உங்களை எதுவும் காப்பாற்றாது.

நன்றி - டைம்ஸ் டிச.20, 2019 அவ்ஜித் கோஷ்