இடர்பாடுகளை தகர்த்தெறிந்த ஹூவெய் - நிறுவனம் வளர்ந்த கதை!

The Huawei Story

Book by Tian Tao and Wu Chunbo

ஹூவெய் அமெரிக்காவில் ஏராளமான இடையூறுகளை சந்தித்து வருகிற நேரம். எங்களுக்கு ஆச்சரியம். எப்படி இத்தனை பிரச்னைகளையும் சமாளித்து இந்த நிறுவனம், சந்தையின் தேவைகளையும் பூர்த்தி செயகிறது என கேள்விக்கான விடைகளைத் தேடியபடி இருந்தோம். அப்போதுதான் ஹூவெய் ஸ்டோரி நூல் எங்களுக்கு கிடைத்தது. 

உண்மையில் ஹூவெய் நிறுவனரே எழுதிய நூல் போல உருவாக்கப்பட்டுள்ளது. காரணம், அவரின் தனிப்பட்ட ஆளுமை, தொடக்க கால ஹூவெயின் கஷ்டங்கள், ஊழியர்கள் ராஜினாமா, சீர்திருத்தங்கள், ஊடகங்களின் பாரபட்ச போக்கு என அத்தனையையும் வெளிப்படையாக பேசியுள்ளனர். 

நிறுவனர் ரென், ஹூவெய்

நிறுவனம் இன்று தினசரி இரண்டாயிரத்திற்கும் மேற்பட்ட கண்டுபிடிப்புகளை உருவாக்கி வருகிறது. ஏறத்தாழ பெல் லேப்ஸ் முன்னர் செய்தது போல.அதில் 23 ஆயிரம் கண்டுபிடிப்புகள் உலகமெங்கும் விருதுகளைப் பெற்றவை.  ஆனால் என்ன வித்தியாசம் என்றால், ரென் தன் நிறுவனம் எப்போது வேண்டுமானாலும் வீழ்ந்துவிடலாம் என கவனமாக இருக்கிறார். அதனால் அதனை முன்கூட்டியே தன் குழுவினரிடம் கூறியும் விடுகிறார். இப்படி தொலைநோக்கான  இயக்குநர் ஓர் நிறுவனத்திற்கு கிடைப்பது கஷ்டம். 

ஆனால் இவை பற்றி ரென் எதுவுமே சொல்லமாட்டார். காரணம், மக்களின் தேவைகளை தன் நிறுவனம் நிறைவேற்றும் வரையில் பிரச்னையில்லை. அப்படி நிறைவேற்றாதபோதுதான் இன்னொரு நிறுவனம் வெற்றி பெறுகிறது என்பார். இதற்கு அல்காடெல், மைக்ரோசாஃப்ட், ஆப்பிள் உட்பட பல்வேறு நிறுவனங்களை அடையாளம் காட்டி விளக்குகிறார். இதனால் அவர் எவ்வளவு கவனமாக இருக்கிறார் என்பதை நம்மால் புரிந்துகொள்ள முடிகிறது. நாங்கள் கூறுவது, சீனத்தில் பிறந்து வளர்ந்த ரென்னை நீங்கள் பின்பற்றுவது அல்ல. அது சாத்தியமும் அல்ல. ஆனால் அவர் கூறும் விஷயங்களை மனதில் கொள்வது முக்கியமானது. 

தொழில் தொடங்குபவர்களுக்கும், அதனை நடத்திக்கொண்டிருப்பவர்களுக்கும் இந்நூல் சிறந்த வழிகாட்டி என்பதில் எந்த சந்தேகமுமில்லை. 

கோமாளிமேடை டீம்