ஜல்சா செய்வதற்கான டிரையல் முயற்சி! - 3 மங்கீஸ்

3 மங்கீஸ் 2020 தெலுங்கு

இயக்கம் அனில்குமார்

ஒளிப்பதிவு சன்னி தோமலா

இசை இயக்குநரேதான்.

போன் டேட்டாவை வேஸ்ட் செய்துவிட்டோமோ என நினைக்க வைக்கும் படம். மூன்று நண்பர்கள், ஒரே லட்சியம். ஒரு பெண்ணையாவது படுக்கையில் வீழ்த்தி தன் பராக்கிரமத்தை காட்ட வேண்டுமென்று. ஒருவனை ஆபீஸ் பெண் அதிகாரி மடக்கி டேட்டிங்கிற்கு நேரம் சொல்கிறார். 

இன்னொருவனை, நிறுவன இயக்குநரின் மனைவி படுக்கையை பகிர்ந்துகொள்ள ஓகேவா என சம்மதம் கேட்கிறார். இன்னொரு சினிமா உதவி இயக்குநருக்கு, வீட்டுவேலைக்காரி மீது இன்ப வெறி. இந்த அட்டகாச லட்சிய வெறியைத் தீர்த்துக்கொள்ள முடிவெடுக்கிறார்கள். வண்டியை டெஸ்ட் ட்ரைவ் செய்தால்தானே மைலேஜ் எப்படி என தெரிந்துகொள்ள முடியும். இதற்காக, விலைமாது ஒருவரை காசு கொடுத்து வீட்டுக்கு வரச்சொல்லி மஜா செய்ய முயல்கின்றனர். அப்போது நேரிடும் விபத்து அவர்களை ஊழல் வெறிபிடித்த போலீசிடம் சிக்க வைக்கிறது. இதனால் அவர்களின் வாழ்க்கை என்னவாகிறது? என்பதுதான் கதை.

 

ஆஹா

முதல்காட்சியில் அம்மா மகன் காட்சியைத் தவிர படத்தில் வேறு எந்த விஷயங்களும் உருப்படியாக இல்லை.

ஐயையோ

மேலே சொன்னதுதான். படத்தில் பிற காட்சிகள் அனைத்தும் உறுத்தலாக படு செயற்கையாக அமைந்து தொலைத்து விட்டன. அனைத்தும் எளிதாக யூகிக்கும்படி இருப்பது பெரிய மைனஸ். விலைமாதுவின் கண்ணீர் கதை, போலீஸ் நொடியில் மனம் மாறுவது என பல காட்சிகள் படம் பார்க்கிறோமா, டிவி சீரியல் பார்க்கிறோமா என்று தோன்ற வைக்கிறது. அடுத்த படத்தையேனும் இயக்குநர் கருக்கடையாக செய்வார் என நம்புவோம்.

கோமாளிமேடை டீம்