உங்கள் மனம் சொல்வதை கேளுங்கள்! - ஐகான் ஸ்டார் எல்சா மஜிம்போ

 

எல்சா மஜிம்போ
நகைச்சுவை நடிகர், எழுத்தாளர், சமூக வலைத்தள பிரபலம்
ஊடகம்

நீங்கள் உங்களுக்கு பிடித்த விஷயங்களை செய்ய நினைப்பீர்கள். அதையே செய்வீர்கள். ஆனால், சுற்றியுள்ளவர்கள் உங்களை கிண்டல் செய்வார்கள். ஆனால் அதைப்பற்றியெல்லாம் கவலையே படாதீர்கள் 

இதை சொல்லும் எல்சாவிற்கு வயது 20. என்ன சாதித்துவிட்டார் இந்த வயதில் இப்படி பேசுகிறார் என நினைப்பீர்கள். கென்யாவின் நைரோபி நகரில் பிறந்தவர் எல்சா. செஸ் விளையாடுவது அவருக்கு பிடித்தமானது. அப்போதுதான் கோவிட் 19 பிரச்னை தலைதூக்க தன்னைத்தானே ஊக்கப்படுத்த வினோதமான உடை அமைப்பில் வீடியோக்களை உருவாக்கி பதிவிட்டார். 

அவைதான் கென்யாவின் ஐகான் ஸ்டாராக எல்சாவை மாற்றியிருக்கிறது. இப்போது அமெரிக்காவின் லாஸ் ஏஞ்சல்சில் எல்சா எனும் ஆவணப்படத்தை எடுத்து அதை  திரிபெக்கா திரைப்பட விழாவில் பதிவிட இருக்கிறார். 

90களில் பிரபலமான குளிர்கண்ணாடிகளை அணிந்தபடி வட்டமான சிப்ஸ் சாப்பிட்டுக்கொண்டே பேசுகிறார் எல்சா. நமக்கே தோன்றுகிறது இது ஐகானிக்காக இருக்கிறதே... அதேதான் இணையத்தில் இவரது வீடியோக்களைப் பார்த்தவர்களுக்கும் தோன்றியுள்ளது. பள்ளிப்படிப்பை பாதியில் நிறுத்திவிட்டு, வீடியோக்களை சுட்டு இன்ஸ்டாவில் போட்டு பிரபலமானவர் தான் எல்சா. எனக்கு பிரபலமாகவேண்டும் என்று ஆசை. ஆனால் எப்படி என்று புரியவில்லை. ஆனால் நிச்சயம் ஆவேன் என்ற நம்பிக்கை இருந்தது என்றார். 

இன்று ஃபோர்ப்ஸ் பத்திரிகையின் 30 அண்டர் 30 பட்டியலில் இடம்பெற்றுவிட்டார். டீன் வோக், வெரிஃபைட், ஹார்பர் பஜார், சிக்யூ சவுத் ஆப்பிரிக்கா என நிறைய பத்திரிகைகளில் அட்டைப்படமாக வந்துவிட்டார் எல்சா. 

வாழ்க்கையை ஆழமாக நேசித்து வாழுங்கள். இதுவரை இல்லாதபடி... பிறர் உங்களின் நம்பிக்கையை குலைத்தாலும் அதுபற்றி கவலைப்படாதீர்கள். உங்கள் மனம் சொல்வதை காது கொடுத்து கேளுங்கள் என்பதே எல்சாவின் வாக்கு. 

forbes africa