ஓரினச்சேர்க்கை அரசியல்வாதி! - துயரமான படுகொலை!

மாற்றுப்பாலின சாதனையாளர்கள்

ஹார்வி மில்க்

அமெரிக்காவின் வுட்மேர் நகரில் யூதப் பெற்றோருக்கு மகனாகப்பிறந்தார் ஹார்வி. அமெரிக்காவில் ஓரினச்சேர்க்கையாளர் என்று அறிவிக்கப்பட்டு அரசியலில் வென்றவர் இவர். கலிஃபோர்னியா மாநிலத்தில் மேற்பார்வையாளராக பணிபுரிந்தார். அன்று இவர்தான் ஒரே ஒரு ஓரினச்சேர்க்கை அரசியல்வாதி.

சிறுவயதில் காதுகள், கால்கள் பெரிதாக இருந்த தால் வகுப்பறையில் கடுமையாக கேலி செய்யப்பட்டார். வகுப்பில் கோமாளி என்றால் ஹார்வியைக் கூறுகிறார்கள் என்று பொருள். அப்போதே தன் உடலில் பாலின மாற்றங்களை உணர்ந்தார் ஹார்வி. அன்று என்னால் பெற்றோரிடம் அதைப்பற்றி கூற முடியவில்லை. காரணம் எனக்கு பயமாக இருந்தது என்று பின்னால் கூறினார். கேலிகளைச் சமாளித்து கணித பட்டதாரியானார். அப்போது கொரியப்போர் வர, அமெரிக்க கப்பற்படையில் பணியாற்றினார். இப்பணி முடித்து வெளியே வரும்போது ஆண் நண்பர் இவருக்கு கிடைத்தார். அவருடன் வசிக்கத் தொடங்கினார். அப்போது நியூயார்க்கில் அவருக்கு வேலை கிடைத்தது.

பின்னர் மெல்ல நாடகங்களில் நடிக்கத் தொடங்கினார். இவை அரசியலில் அவர் முகம் மக்களுக்கு தெரிய உதவின. இதன்விளைவாக தேர்தலிலும் கூட வென்றார். ஆனால் அனைத்தும் ஒரு படுகொலையில் முடிவுக்கு வந்த து.

மாற்றுப்பாலினத்தவருக்கு கல்வி, தங்குமிடம் என எதிலும் எந்த சலுகையும் கிடையாது என அறிவித்து மசோதா ஒன்றை மாநில உறுப்பினர்கள் உருவாக்கினர். அதை தீவிரமாக ஹார்வி எதிர்த்தார். அந்த மசோதா பத்து லட்சம் வாக்குகள் அடிப்படையில் தோற்கடிக்கப்பட்டது. 1978 ஆம்ஆண்டு சக மேற்பார்வையாளர் டான் வொய்ட் மூலமாக படுகொலை செய்யப்பட்டார்.  இதனால் டான் வொய்டிற்கு ஏழு ஆண்டுகள் சிறை தண்டனை வழங்கப்பட்டது. பின்னர் ஐந்து ஆண்டுகளாக அத்தண்டனை குறைக்கப்பட்டது. சிறையை விட்டு விடுதலையான டான் வொய்ட், தற்கொலை செய்துகொண்டார். எப்படி தெரியுமா?  கார்பன் மோனாக்சைடை சுவாசித்து.  மனித மனங்கள் வேறுபட்டவைதான் அல்லவா?

ஆங்கில மூலம் - அவுட்.காம்

தமிழில்: வின்சென்ட் காபோ